Vendet e Evropës Juglindore krijojnë një rrjet për trajnimin e forcave të tyre të armatosura

botuar më 12-06-14 12.34.MD

Foto: BGNES

Më 13 qershor në Sofje u zhvillua takimi i gjashtë vjetor i shefave të mbrojtjes të shteteve ballkanike. Bashkëpunimi ballkanik në këtë fushë është relativisht i ri, por megjithatë shënon një përparim të konsiderueshëm. Për më tepër se në këtë proces përfshihen të gjitha vendet e Ballkanit – Shqipëria, Bosnjë e Hercegovina, Bullgaria, Greqia, Mali i Zi, Rumania, Serbia, Maqedonia, Turqia, Sllovenia, Kroacia.

Shtetet e rajonit bashkëpunojnë në sferën ushtarake në kuadrin e Procesit të takimeve të ministrave të mbrojtjes të Evropës Juglindore. Si rezultat u arrit një marrëveshje për krijimin e Forcave Shumëkombëshe Paqeruajtëse të Evropës Juglindore. Mbi bazë të kësaj marrëveshjeje u formua Brigada Shumëkombëshe “Evropa Juglindore”. Konferenca e parë vjetore e shefave të mbrojtjes u zhvillua në vitin 2007. Si rezultat bashkëpunimi ushtarak në Evropën Juglindore u pasurua. Dhe megjithëqë kjo është një nismë e re, ajo avancon shumë shpejtë. Është fakt, se midis vendeve pjesëmarrëse në konferencën e gjashtë ka një bashkëpunim të mirë në fushën e analizimit të rreziqeve dhe kërcënimeve. Bashkëpunimi ushtarak tashmë përfshin edhe sfera të tjera, si për shembull sigurinë energjetike. Një aktivitet i rëndësishëm në këtë fushë ishte trajnimi “Flaka Energjetike 2011”, që u organizua në Bullgari. Si sfera të mundshme të bashkëpunimit ushtarak në rajon u treguan mbrojtja kibernetike dhe komunikacionet e satelitit.

Një nga qëllimet kryesore të konferencës së gjashtë vjetore të shefave të mbrojtjes ishte të krijohen kushte për zhvillimin e aftësive ushtarake nëpërmjet bashkëpunimit në trajnimin dhe mësimin. Pjesëmarrësit vendosën të krijohet një rrjet të tërë për trajnimin dhe përgatitjen e forcave të armatosura të vendeve të Evropës Juglindore. Ky rrjet do të lidhë qendrat ekzistuese të simulimit dhe të përgatitjes në një federatë të përbashkët të Evropës Juglindore. Kjo do të sigurojë mundësi për krijimin e një sërë programesh të softuerit për përgatitjen e forcave të armatosura të rajonit.

Bashkëpunimi ushtarak në rajon përbën një bashkëveprim midis vendeve anëtare dhe jo anëtare të NATO-së. Ky bashkëpunim pasuron përgatitjen e vendeve që dëshirojnë të aderohenë me Paktin e Atlantikut Verior dhe kontribuon për perspektivën euroatlantike të Ballkanit. Kështu duke përballuar mosmarrëveshjet nga e kaluara dramatike, nëpërmjet bashkëpunimit në fushën ushtarake, Ballkani shndërrohet në një simbol të qëndrueshmërisë, prosperitetit ekonomik dhe fqinjësisë së mirë.

Përgatiti në shqip: Svetllana Dimitrova

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Vendet e Evropës Juglindore krijojnë një rrjet për trajnimin e forcave të tyre të armatosura

Më shumë nga rubrika

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Elegjia për Krahinat Perëndimore tingëllon si një requiem

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?