Në Bullgari do të krijohet një qendër e NATO-s për administrimin e krizave

botuar më 13-01-31 12.39.MD

Foto: md.government.bg

Në Sofje krijohet një qendër për studimin, krijimin dhe përmirësimin e aftësive të NATO-s për udhëheqjen e krizave dhe reagimin në rastin e krizave (Center of exellence). Fillimi i saj u vu pas forumit dyditor ndërkombëtar në kryeqytet, me pjesëmarrjen e ekspertëve nga 10 vende anëtare të NATO-s.

Sipas fjalëve të zëvendësministres ushtarake Avgustina Cvetkova qendra është kontributi i Bullgarisë për zbatimin e një prej tri detyrave kryesore të Aleancës nga Koncepti strategjik – administrimi i krizave. “Në fakt këto lloje qendrash përbëjnë organizata speciale të NATO-s, të cilat sigurojnë mundësi për krijimin e dokumenteve programore dhe strategjike mbi ndonjë tematikë – tregon zëvendësministrja Cvetkova. – Qendra funksion në fushën e administrimit të krizave në raste fatkeqësish. Ajo do të krijojë mundësi për trajnimin e kuadrove nga shtetet-anëtare dhe partnere të NATO-s. Pritet që qendra të akreditohet në mes të vitit 2013. Ajo do të përfshijë 50 ekspertë bullgarë dhe deri në 10 përfaqësues të shteteve të tjera. Qendra do të bashkëfinancohet nga vendet-pjesëmarrëse. Bullgaria si një shtet-mikpritës duhet të sigurojë godinën.”

Avgustina Cvetkova vuri në dukje se qendra do të përdorë dhe bazën në Çeralica të rrethit të Sofjes, sepse ajo është shumë e përshtatshme për zhvillimin e disa trajnimeve. Përveç kësaj do të përdoren mundësitë dhe resurset e Ministrisë Bullgare të Punëve të Brendshme, përfshi këtu dhe qendrën e saj operative në qytetin Montana të Bullgarisë Veriperëndimore. “Kjo qendër nuk do të zbatojë detyra operative, ajo do të trajnojë kuadro dhe do të përgatitë dokumente strategjike, që të përdoren nga vendet e NATO-s. Detyrat operative zbatohen nga organet kombëtare. Në përputhje me legjislacionin në Bullgari, kjo është punë e Ministrisë Bullgare të Punëve të Brendshme dhe Mbrojtjes civile – sqaron Avgustina Cvetkova. – Bullgaria jo vetëm se i përballon shumë mirë vështirësitë në raste krizash, por kemi gjithashtu mundësinë të sigurojmë specialistë të përgatitur shumë mirë në këtë fushë. Ata mund të jenë të dobishëm jo vetëm për ne, por dhe për vendet e tjera anëtare të NATO-s. Fakti se pikërisht në Bullgari do të krijohet një qendër e tillë flet se ne disponojmë një ekip të mirë dhe bashkë me vendet sponsore mund të krijojmë një institucion të dobishëm për bashkësinë euroatlantike.”

Përgatiti në shqip: Vesella Mançeva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Në Bullgari do të krijohet një qendër e NATO-s për administrimin e krizave

Më shumë nga rubrika

Studentët nga Universiteti i Sofjes ishin mysafirë të Radio Bullgarisë

Patriku bullgar Daniill ndodhet në Tiranë për ceremoninë mortore të Kryepeshkopit të Shqipërisë Anastasi

Kur dhe pse Radio Bullgaria arriti në Afrikë?

Tërmete, thatësira, turbina ere... eko-sfidat bashkojnë nxënës nga Bullgaria, Italia dhe Danimarka

Qendra e Trajnimit në Aeroportin e Sofjes do të trajnojë specialistë nga e gjithë bota

Kostumet autentike nga filmi i paharrueshëm "Kapedani Petko Vojvoda" janë ekspozuar në Varna