Më 31 mars, në ditën e parë të pushimeve pranverore, rreth 120 nxënës nga Bullgaria dhe shtetet fqinje fillojnë një punë aktive në “Punishten e vallëzimit Iliev”. Baleti klasik në stilin “Ballançin” (në ndryshim nga stili i studiuar tek ne “Vaganova”), një vallëzim modern, hip-hop, një valle karakteristike – këto janë stilet, të cilat do t’i paraqesin dhe do t’i mësojnë koreografë të afirmuar nga ShBA dhe Gjermania. Organizator është fondacioni “Arti i Vallëzimit – Iliev”, i krijuar gjatë vitit 2008 nga Petër Iliev. Koreografi e ka filluar karrierën e vet si solist i Ansamblit Kombëtar “Filip Kutev”, më shumë se 20 vjet ai jeton në ShBA.

E ka fituar arsimin e vet në Bullgari dhe përtej oqeanit – në Institutin Shtetëror të vallëzimit të Nju Jorkut. Ka punuar në disa vende në ShBA, mes tyre është “WestWind” – një nga kompanitë e para të vallëzimit në ShBA, misioni i së cilës është njohja e publikut amerikan me pasurinë e vallëzimit etnik. Është pedagog në Pacifik Northwest Balet dhe Baleti i Çikagos.

“Prej kohe doja të bëj diçka në Bullgari – tregon z. Iliev. – Pas vizitës time në Shkollën Kombëtare për Art Vallëzues, ku gjeta bashkëmendimtarë, ideja u formua fare qartë. Jemi shumë falënderues fondacionit “Amerika për Bullgarinë”, i cili përsëri na përkrah, për ndryshe veprimtaria jonë këtu do të qe e pamundur. Arsimimi te ne kalon në mënyrë shumë intensive në të gjitha stilet. Mbaj për këtë që krahas me xhazin e Broadway-it, të rinjtë të mësojnë dhe hip-hop, klasikë e kështu me radhë. Profesionalistët duhet të zotërojnë të gjitha drejtimet. Në fund të kursit do të japim pesë bursa. Akoma që në ditën e parë punojmë shumë aktivisht me pjesëmarrësit. Për ne është shumë e rëndësishme të kuptojmë jo vetëm se cilat janë mundësitë e tyre teknike, por dhe se cila është etika e tyre e punës, nëse duan të zhvillohen. Arti tonë është lumturi dhe emocion, ata duhet të mësohen të tregojnë gëzimin nga vallëzimi, të jenë më të bindur dhe të realizojnë ëndrrat e veta.”

“Jam nxënëse në Shkollën Kombëtare për Art Vallëzues në Sofje, jam bursiste e “Punishtes së vallëzimit Iliev” për vitin 2013 – tregon Andrea Andonova. – Pata shansin e madh të studiojë në shkollën pranë “Pacifik Northwest Balet”. Aty çdo gjë është shumë më e ndryshme, përpara meje u hapën shumë hapësira të reja, për të cilat nuk isha menduar deri tani. Mendimi im dhe botëkuptimi u zhvilluan, dashuria dhe pasioni ndaj vallëzimit u shtuan edhe më fort. Pjesëmarrja në punishte më frymëzoj jashtëzakonisht shumë.”

Përgatiti në shqip: Nataniela Vasileva