Ndër të ftuarit ishte dhe udhëheqësi shumëvjeçar i orkestrës “Sofja” Dimitër Simeonov – saksofonist dhe themelues i orkestrës, kurse më vonë – dirigjent i saj. Ja se çfarë tha ai për Radio Bullgarinë: “Para se të themelohet orkestra “Sofja”, pranë Bashkisë së Kryeqytetit tashmë kishte dy formacione muzikore – ansambli i dhomës “Solistët e Sofjes”, me dirigjent Vasill Kazanxhiev dhe “Orkestra frymore e Sofjes”, udhëhequr nga Sasho Mihajllov. Kishte nevojë për një grup kombo për programet e mëdha, me të cilat baskia merrte pjesë në një projekt ndërkombëtar Në atë kohë Sofja ishte binjakëzuar me 28 kryeqytete. Përfaqësues të kulturës dhe artit udhëtonin sipas parimit të këmbimit. Çdo vit kishim qindra koncerte në vend, udhëtonim shumë edhe në Evropë. Ndoshta janë shumë pak ata, të cilët e dinë se orkestra ka ndryshuar shtatë herë. Gjatë dhjetorit të vitit 1971 humbëm në një aksident ajror disa muzikantë të shkëlqyeshëm. Mbetëm vetëm katër dhe më zgjodhën mua si udhëheqës. Kishte dhe ndryshime të tjera. Kemi përjetuar shumë peripeci. Muzikantët, që kanë punuar në orkestër janë 43, kurse këngëtarët, me të cilët kemi punuar, janë mbi 50. Ka shumë momente të bukura, kur kemi shfaqur profesionalizëm dhe reaksion të shpejt.”
Përvjetori i 50-të i orkestrës “Sofja” do të shënohet gjatë tërë vitit 2014. Ndër ngjarjet është dhe koncerti i formacionit prej ish pjesëmarrësish në kuadrin e Festivalit Ndërkombëtar të Xhazit në Bansko.
Përgatiti në shqip: Vesella Mançeva
Fotografitë janë ofruar nga ekipi i filmit “Orkestra e Sofjes”
Nga 11 deri më 14 korrik edicioni i dytë i Jazz and Art Festival në Oreshak, mbledh së bashku interpretues nga Kuba, Argjentina, Kina, Brazili, Serbia, Franca dhe Bullgaria, njoftoi Ivanka Xhabraillova, menaxhere e Ekspozitës Kombëtare të..
Lili Ivanova është prima e padiskutueshme e muzikës bullgare. Përveç talentit, disiplinës dhe përkushtimit, pas dekadave në krye qëndron edhe zgjedhja e saj e muzikantëve më të mirë me të cilët këngëtarja ka punuar ndër vite. Para pak..
Projekti "Dashuri dhe këngë" takon në skenë breza artistësh të dashur bullgarë, të cilët ndër vite krijuan hite në stile të ndryshme muzikore. Grupi “Diana Ekspres” , i cili feston 50 vjetorin në skenë, vëllezërit Argirovi , legjenda e..
Atazar, Kris V dhe këngëtarja Aleksandra Ivanova prezantuan këngën e tyre të përbashkët "Mbetu" me një video shumëngjyrëshe që na transferon në bregdet...
Muzika magjike e grupit “Tеrpentina” na emocionon gjithnjë e më shumë kohët e fundit, sidomos pas albumit debutues “Nostalgji”.Ai përmban dhjetë këngë..