“Në këtë edicion të festivalit paraqesim botën e gjerë të muzikës etno përmes këndvështrimit të xhazit – tregon organizatori Petër Dimtirov. – Do ta hapim festivalin me projektin e ri të Radios Kombëtare Bullgare – “Jazzophonia”, paraqitur nga Big Bendi nën dirigjimin e Antoni Donçevit.” Në skenë do të tingëllojë flamengo spanjolle. Muzikantët nga formacioni i Paco de Lucia – “arameloFlamenco Latin Jazz” do të paraqesin një projekt spanjollo-kuban.

Dimitër Liolev (saksofon) në shoqërinë e Antoni Donçevit, këtë herë në piano, Boris Taslev (bas) dhe Borislav Petrov (bateri) do të paraqesin albumin e saksofonistit “Rodopolloxhi”. Edhe natën e dytë do të përfundojë me pjesëmarrje të huaj. Tito Parish do të paraqesë stilin e Portugalisë nga Cape Verde. Tito është një nga kompozitorët që kanë punuar me emblemën e këtij zhanri – Cesaria Evora.

Si do të përfundojë edicioni i katërt i festivalit?

“Gjatë natës së fundit do të dëgjojmë formacionin bullgar të flamengos “Banda del Padre” – përgjigjet Petër Dimtirov. – Trio Petër Ralçev (fizarmonikë), Stojan Jankulov-Stundzhi (bateri) dhe Angel Dimitrov (kitarë). Pastaj në skenë do të paraqitet një prej basistëve më të njohur të xhazit – Richard Bona bashkë me formacionin afro-kuban “Mandekan Cubano”, e cila vjen nga Nju Jorku posaçërisht për festivalin në Sofje.”

Çdo natë Klubi “Studio 5” do të bëhet arena e improvizimeve të xhazit nën udhëheqjen e Trios së Angell Zaberskit-bir. Për më të vegjlit do të kenë punishte për vegla muzikore dhe vallëzime xhaz dhe etno. Iniciativa zhvillohet në bashkëpunim me “Akademinë për arte skenike” të Paul McCartneyit.

Përgatiti në shqip: Zoja Kostadinova

Fotografi: atojazz.bg