Një festë e vërtetë – ndoshta kështu mund të përgjithësojmë përshtypjet e publikut dhe specialistëve vetëm disa ditë pas koncertit të fundit në programin e Xhaz Festivalit tradicional në Bansko. Edhe sivjet ai u shndërrua në një përjetim të paharrueshëm – jo vetëm për shkak të energjisë së muzikës së gjallë, por edhe për shkak të takimeve me personalitete të jashtëzakonshme të këndeve të ndryshme të planetit. Në minutat që vijojnë do të bëjmë provë, të rregullojmë copëzat e këtij mozaiku laraman. E bëjmë këtë nëpërmjet intervistave dhe incizimeve dokumentare.
Këngëtarja Çajna Mouzes, e cila ishte për herë të parë në Bullgari mendon, se më e rëndësishmja është, që muzika të arrijë te njerëzit dhe ata të kuptojnë çfarë u thotë atyre këngëtari. Ajo e arsyeton këtë qëndrim të vet ashtu:
“Këtë e mësova nga puna ime në televizion, nga e ëma Di Di Brixhuotër, nga Tina Tërnër dhe nga shumë artistë të tjerë. Në se do të kisha mundësi do të bëhesha inicime vetëm me muzikë të interpretuar në skenë para publikut. Në fakt vlerësimi i vërtetë i punës së një këngëtari janë emocionet e spektatorëve. Një album është aq i mirë, sa janë të mira emocionet, që provokon ai te dëgjuesit.”
“Kemi shfaqje bashkë, por kurrë nuk i planifikojmë paraprakisht. Kur jam e lirë frekuentojnë koncertet e tij dhe atëherë dalim bashkë në skenë. Kur isha 6-vjeçare e luta të më zbulojë disa sekrete të muzikës. Mirëpo, pas disa minutash filluam një diskutim tepër të gjallëruar, në të cilin secili me ngulm mbronte pozitën e vet. Që atëherë ai refuzoi të jetë mësuesi im, megjithëqë gjithnjë e ndjej përkrahjen e tij. Ai gjithmonë më thoshte, se një muzikant është aq i mirë sa janë edhe muzikantët me të cilët punon. Kur isha 14-vjeçare vendosa të formoj një grup dhe kërkova të gjithë muzikantët, me të cilët im atë punonte. Kështu e ndoqa këshillin e tij të punoj me më të mirat, gjë që e bëj edhe më sot. Kam kolegë të mrekullueshëm dhe kurrë nuk harroj, se jam vetëm një pjesë nga një e tëra.”
Për herë të parë në Bansko erdhi pianistja dhe këngëtare legjendare Tanja Marija:
Për herë të parë në programin e festivalit koncerte kishin studentët e docentes Stefka Onikjan nga dega “Pop dhe xhaz” e Akademisë Kombëtare Muzikore. Për këtë mundësi zonja Onikjan tha:
“Muzikantët e rinj duhet të kenë mundësi të shfaqen në vendin amtar. Kam dëshirë, që studentët e mi të mbeten në Bullgari, megjithëse disa prej tyre tashmë planifikojnë të ikin dhe të punojnë jashtë. Mendojmë të bëjmë një album me incizimet e koncerteve të studentëve në Bansko.”
Këngëtarja e re nga Nju Jorku Xhesi Kollasante, me emrin artistik XheSante rrëfen:
“Traditat kulturore, që mund të shihen kudo në qytet janë të mrekullueshme. Bënë përshtypje qëndrimi i publikut ndaj xhazit. Më pëlqen se në këtë festival mund të dëgjohet jo vetëm xhaz, por edhe stile që i qëndrojnë afër tij.”
Përgatiti në shqip: Svetllana Dimitrova
Fotografitë janë ofruar nga organizatorët
Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..