Ku mund të shijojmë në një vend ekspozita nga më të ndryshmet, vallëzime, spektakle teatrale, interpretime muzikore, shfaqje të iluzionistëve, artistë të cirkut dhe shumë të tjerë? Përgjigja është Salloni i Vjeshtës i Arteve, kurse vendi është qyteti i Plovdivit. Sivjet shfaqjet e shumta fillojnë akoma me ardhjen e muajit shtator dhe përfundojnë në Festën e Iluministëve të Popullit (më 1 nëntor) me Festivalin Ndërkombëtar në kitarë. Hapja është më 2 shtator me koncert të orkestrës simfonike të Operës Shtetërore në qytetin e Plovdivit.
Drejtori muzikor i grupit Dian Çobanov personalisht i ka ftuar virtuozët e violinës, të cilët publiku do t’i dëgjoj në skenën e Teatrit Antik. Ja se çfarë tregoi ai: “Do të filloj me Kristof Konc – prijës i violinave të dyta në Filarmoninë e Vjenës. Unë personalisht kam punuar me të, si në Bullgari ashtu dhe në Austri. Ai është një muzikant i ri shumë interesant me një karrierë të shkëlqyer. Akoma si fëmijë ka marrë pjesë në produktin e Hollivudit “Violina e kuqe”. Kur ka qenë 18 vjeç fiton vendin e vet në Filarmoninë e Vjenës. Një interpretues i ri i shkëlqyer, me një prani shumë të fortë në skenë. Përveç tij publiku i Teatrit Antik do të shikojë dhe Mario Hosen. Një violinist me një karrierë të shkëlqyer solo, ai është dhe profesor në Universitetin e Ri Bullgar. Me të njihemi akoma nga shkolla. Kemi pasur dhe shfaqje të përbashkëta në Bullgari dhe jashtë shtetit. Përgjithësisht pesë janë interpretuesit, të cilët do të ekzekutojnë gjatë kësaj mbrëmje. Ata do të paraqitet veç e veç dhe në koncerte për dy e më shumë violina. Vizatohet një program i freskët dhe festiv, të përshtatshëm për hapjen e një formati si “Salloni Vjeshtor i Arteve.”
“Për mua është shumë interesante se do të punoj me ta, nuk kam pasur një kënaqësi të tillë deri në këtë moment, por kam dëgjuar vetëm jehona pozitive. Publiku i qytetit Plovdiv i do, sepse e njeh talentin e tyre. Në këtë buqetë prej virtuozëve të violinës ka një zonjë të re – Zhaklin Prajs. Ajo është studente e profesorit Mario Hosen. Të dy do të interpretojnë koncert për dy violina në re minor nga Johan Sebastian Bah.
Përgatiti në shqip: Nataniela Vasileva
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Me dëshirën për t'u hapur ndaj botës, pas viteve të gjata të izolimit në ish-kampin socialist, Bullgaria dhe Rumania u bashkuan në vitin 1994 në Organizatën Ndërkombëtare të Frankofonisë. Një nga vlerat kryesore të komunitetit frankofon është arsimi..
Nga data 8 qershor deri më 9 tetor, qyteti italian Rovereto pret ekspozitën ndërkombëtare “Të drejtat dhe dinjiteti i njeriut”. Edicioni i 18-të i sivjetshëm i ekspozitës tregon vepra tematike të artistëve nga 32 vende, përfshirë Bullgarinë. Artistja..
Teatri Popullor "Ivan Vazov" do të kënaqë 120 adhurues të artit teatror me një biletë falas për një nga shfaqjet e sezonit të tij të ri në vjeshtë...