Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Fillon Festivali Kombëtar i Folklorit “Një det ritmesh” në Ballçik

Çdo vit në qytetin e bukur bregdetar Ballçik organizohet Festivali Kombëtar i Folklorit “Një det ritmesh”. Sivjet mbahet edicioni i tij i katërt (19-21 shtator). Ky aktivitet organizohet nga Shoqata “Për Ballçikun” me ndihmën e madhe të bashkisë dhe nën kujdesin e kryetarit, z. Nikollaj Angellov. Qëllimi kryesor i festivalit është paraqitja e folklorit bullgar dhe e zanateve tradicionale. Festivali është me karakter konkursi dhe zhvillon aftësitë artistike te të rinjtë.

Më shumë rreth edicionit të sivjetshëm mësojmë nga drejtoresha artistike e festivalit, znj. Galina Gavraillova: “Sivjet pjesëmarrësit janë nga pothuajse 10 qarqe, përfshiu nga Qarku i Sofjes. Kandidatët janë 720. Zakonisht festivali është i ndarë në disa degë. Më e madhja ka të bëjë me folklorin autentik – valle, këngë, rite dhe kostume. Në këtë edicion interesant është kostumi 100 vjeçar me zbukurime të vjetra një shekull e gjysmë. Një degë tjetër e festivalit është ajo e folklorit të përpunuar dhe klubet e valleve popullore. Shpërblimi më i madh për të cilin garojnë pjesëmarrësit është statuja prej bronzi dhe para. Ndër çmimet speciale të jurisë janë ato për kolektivin më tërheqës, për pjesëmarrësin më të madh dhe përkatësisht për më të voglin, etj. Që nga edicioni i parë kryetarja e jurisë është Prof. Daniella Xheneva, drejtoreshe e ansamblit folklorik “Traki”, Plovdiv.”

Dita e fundit e festivalit, 21 shtator përkon me Ditën e Ballçikut. Në programin festiv çdo vit ngrihen flamujt, ka liturgji kishtare dhe Orkestra e Forcave Ushtarako-Detare jep një koncert.

Përgatiti në shqip: Anna Kapitanova

Fotografia është ofruar nga organizatorët



Последвайте ни и в Google News Showcase, за да научите най-важното от деня!

Më shumë nga rubrika

Vampirët në trojet tona nuk janë një dukuri e re. Kush është vampiri bullgar?

Çdo njeri në vendin tonë ka dëgjuar që në fëmijëri histori të frikshme për vampirë të rrezikshëm. Sot i njohim më së shumti përmes mënyrës se si i paraqesin autorët e romaneve dhe sidomos titujt e famshëm në kinematografi. Megjithatë, nuk duhet të..

botuar më 25-07-24 7.30.PD

"Valle tek burimi" në Vëlingrad – kur tradita buron nga zemra e Rodopëve

Vëlingradi fton përsëri këtë vit të gjithë adhuruesit e folklorit bullgar të vallzojnë në valle pranë burimeve të famshme minerale të qytetit. Më 12 dhe 13 korrik, sheshi qendror i Vëlingradit do të mbushet me tingujt e daulles dhe gajdes gjatë ngjarjes..

botuar më 25-07-12 9.05.PD

Simbolet mbretërore nga Mbretëria e Dytë Bullgare zbukurojnë qeramikën sgrafito të mjeshtërve të rinj

Një punëtori e veçantë artizanale për enë qeramike me stil mbretëror, të përdorura nga familjet e pasanikëve gjatë periudhës së Perandorisë së Dytë Bullgare (shek. XII – XIV), ndodhet në qytetin tonë historik Veliko Tërnovo . Atelieja është afër..

botuar më 25-07-05 9.45.PD