Gjatë tërë nëntorit Biblioteka e Kryeqytetit i jep nder gazetarit, shkrimtarit dhe skenaristit të dalluar Pavel Vezhinov. Me rast të përvjetorit të 100-të të lindjes së tij ishte hapur një ekspozitë. Tablotë e përfshira në të prezantojnë citate të veprave të tij, të ilustruara me fotografi.

“Dëshira jonë ishte që të prezantojmë Pavel Vezhionovin si një shkrimtar, i cili e ka ngritur shpirtin e kryeqytetasve – pohon Marçela Borisova nga Biblioteka e Kryeqytetit. – Ftuam dhe biblioteka të tjera për ta bërë këtë nismë një fushatë kombëtare. Përveç se ka një lidhje të thellë me Sofjen, ai është edhe shkrimtar kombëtar. Para fillimit të muajt të tij të gjitha librat e Pavel Vezhimovit në bibliotekë ishin marrë nga lexuesit. Një fakt kureshtar është se në vitin 1942, bashkë me Bogomil Rajnovin (i cili gjithashtu është një shkrimtar i madh) ka punuar në Bibliotekën e Kryeqytetit. Në një intervistë të vet Vezhinovi tregoi: “Më kujtohet se ëndrra ime ishte që të punoja në bibliotekë. Ky profesion më dukej si më i përshtatshmi për zhvillimin tim si shkrimtar.”

Pavel Vezhinovi është një nga shkrimtarët më të talentuar në fushën e fantastikës. E tërheqin fortë historitë kriminale. Krijimtaria e tij humoristike gjithashtu zë një vend të rëndësishëm, të mos harrojmë se disa vjet ai ka qenë kryeredaktori i gazetës satirike “Stërshel”. Pak janë njerëzit, të cilët dinë se filmat e njohura “Specialisti në gjithçka”, “Të tretë e rezervës” , “Gjurmët mbeten” janë incizuar me skenar të Pavel Vezhinovit. E bija e tij Pavlina Delçeva tregon:
“Babai im nuk quhej veten shkrimtar. Kur plotësonte dokumente në vendin për “profesion” ai shkruante “gazetar”. Ai mendonte se vetëm lexuesit janë ata, të cilët mund të thanë a një krijues është shkrimtar apo jo. Për mua është kënaqësi se aq shumë vjet pas lindjes së tij akoma ka njerëz, të cilët interesohen për krijimtarinë e tij. Librat, që do të ribotohen, filmat, të cilat do të prezantohen gjatë këtij muaji qëllojnë publikun e ri. Në të ardhmen e afër do të ribotohet dhe “Libri për Pavel Vezhinovin”. Në të janë mbledhur mendimet e tij për letërsinë, intervista dhe kujtime për të.”

Në muajin e kushtuar shkrimtarit të madh bullgar Muzeu Kombëtar i Letërsisë inauguroi ekspozitën “Përtej barrierës”. Si është organizuar ekspozita na tregon Anna Svitkova, kujdestare e përgjithshme e Muzeut Kombëtar të Letërsisë:

“Një përshtypje të madhe bën fakti se shumë vepra të Pavel Vezhinovit janë filmuara. Kështu lindi ideja ta bëj ekspozitën si një analogji mes letërsisë dhe kinemasë. Në të janë treguar 33 vepra letrare të autorit dhe 25 filma. Materialet prezantojnë të gjitha temat, për të cilat ai shkruan – luftën antifashiste, Luftën e Dytë Botërore, qytetin, në të cilin jeton, problemet morale dhe etike të familjes, problemet mes brezave. Pavel Vezhinovi ka shumë filma kriminale dhe komedi. Shumë prej serialeve më të dashura bullgare janë me skenar të Pavel Vezhinovit. Ekspozita u krijua me përkrahjen e Filmotekës Kombëtare dhe të gjitha materialet e lidhura me filmat janë ofruar nga ajo.”

Deri në datën 26 nëntor vizituesit e Bibliotekës së Sofjes mund të shikojnë ekspozitën e bërë nga shtëpitë e botimit “Entusiast” dhe “Siela” – “Kinemaja është një armë e ftohtë me dy tehe”. Në të janë përfshirë 20 pëlhura, kushtuara romanit “Netët me kuajt e bardhë” dhe romanit të shkurtër “Barriera”. Bëhet fjalë jo vetëm për romanet, por edhe për filmat dhe shfaqjet teatrale sipas të dy veprave. Ideja është që të provokohet interesi i të rinjve ndaj veprave të Pavel Vezhinovit.

Përgatiti në shqip: Jordanka Ivanova