Dimitër Shishmanov ka qenë jurist, diplomat, shkrimtar dhe humanist i njohur bullgar. Bile më i njohur se babi i tij Prof. Ivan Shishmanov – kritik i letërsisë, folklorist, mbrojtës i idesë panevropiane dhe iniciator i themelimit të shumë institucioneve kulturore në vend. Para disa vitesh në Bullgari u shtyp libri biografik për djalin Shishmanov – “Jemi krijuar edhe për t’u futur në mendime të thella”. Autorja e këtij libri është Prof. Elena Mihajllovska. Para disa ditësh në Sofje u projektua dokumentari kushtuar jetës dhe veprimtarisë së Dimitër Shishmanovit. Filmi ka merituar çmimin e veprimtarëve të kinematografisë në Festivalin “Ritoni i Artë”. Skenaristet e dokumentarit janë dy profesoreshat Elena Mihajllovska dhe Konstantina Guljashka.
Dimitër Shishmanov ka qenë i fatbardhë të lindte në një familje intelektualësh. E ëma ka qenë bija e një profesori të njohur ukrainas. I riu Shishmanov ka zotëruar disa gjuhë të huaja. Interesante është se gjatë studimeve të tij në Zvicër ai u ka dërguar prindërve letra të shkruara qoftë në frëngjisht, qoftë në gjermanisht. Më vonë Dimitër Shishmanov ka sjellë përmbledhje me rrëfime, pjesë, romane dhe novela.
“Në atë periudhë midis dy luftërave botërore ai ka pasur popullaritet të madh, thotë znj. Pavlina Zheleva, producente e dokumentarit. – Por për shkak të posteve të larta që ka pasur në MPJ, politika ia ka bërë numra të këqija. Dimitër Shishmanov është dënuar me vdekje. Në të gjithë periudhën totalitare emri i tij nuk përmendej fare. Dhe pas ndryshimeve demokratike nga 1989-a, emri i tij sikur u harrua.”
Gjatë Luftës së Dytë Botërore Dimitër Shishmanov ka qenë ministër i punëve të jashtme brenda një viti. Megjithëse gjithmonë ka mbrojtur interesin e Bullgarisë, pushteti i ri pro-rus ia ka dhënë dënimin më të rëndë. Më 1 shkurt mbushen 70 vjet nga ekzekutimi i tij me armë zjarri.
Ralica Dimitrova, regjisore e dokumentarit, ka zgjedhur një qasje shumë interesante për të prezantuar Dimitër Shishmanovin – si me periudhat më të rëndësishme të biografisë së tij, ashtu dhe me elemente artistike në skenar. Personazhin e Dimitër Shishmanovit e luan aktori i mirënjohur bullgar Atanas Atanasov.
“Për mendimin tim suksesi kategorik i dokumentarit është në zhanrin e portretit, sepse kërkon urat drejt së kaluarës, thotë znj. Pavlina Zheleva. – Dokumentari të bën të thellohesh në mendime dhe të përjetosh çdo çast të tijin. Ky film i referohet librit të Prof. Mihajllovska – “Jemi krijuar edhe për t’u futur në mendime të thella.”
Përgatiti në shqip: Anna Kapitanova
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Me dëshirën për t'u hapur ndaj botës, pas viteve të gjata të izolimit në ish-kampin socialist, Bullgaria dhe Rumania u bashkuan në vitin 1994 në Organizatën Ndërkombëtare të Frankofonisë. Një nga vlerat kryesore të komunitetit frankofon është arsimi..
Nga data 8 qershor deri më 9 tetor, qyteti italian Rovereto pret ekspozitën ndërkombëtare “Të drejtat dhe dinjiteti i njeriut”. Edicioni i 18-të i sivjetshëm i ekspozitës tregon vepra tematike të artistëve nga 32 vende, përfshirë Bullgarinë. Artistja..
Një ekspozitë fotografike kushtuar personalitetit të basit të madh bullgar të operës Boris Hristov mund të shihet deri më 28 gusht në Sofje. Ekspozita..