Gëzim dhe kënaqësi u solli admiruesve bullgarë të qitjes sportive Kampionati Evropian në Arnem të Holandës. Prezantimi i mirë i qitësit Anton Rizov në 10 metra me pushkë u dekorua me flori. Ky sukses i madh i parë në karrierën e tij doli që është edhe titulli i parë në historinë e qitjes sportive bullgare me pushkë te meshkujt.

Në një konferencë për shtypin në lidhje me garat në Arnem trajneri Veselin Petkov tregoi:

“Mund të them, se Anton Rizovi arriti një sukses tepër të madh pak para Kampionatit Evropian. Tri ditë me radhë gjatë trajnimeve ai shënoi 60 qitje të radhës në dhjetëshen me pushkë pneumatike. Kjo ishte një arritje e madhe, e cila duhet të përtëritej në kampionat.”

Te femrat qitësja e re Antoaneta Boneva u bë nënkampione evropiane në 10 metra me pistoletë. Në final ajo mbrapsi para kampiones olimpike nga Ukraina Olena Kosteviç. Lidhur me këtë Antoaneta shpjegoi:

“Jam e kënaqur nga prezantimi im në këtë garë. Është e qartë, se njeriu gjithnjë mund të arrijë rezultate më të larta. Unë nuk bëj garë me të tjerët, unë bëj garë me veten, që të nxjerr më të mirën nga unë. Dëshira ime është, që çdo herë të prezantohem gjithnjë e më mirë.”

Në takimin me mediat u njoftua, se që prej një viti e gjysmë, që kur në krye të Bashkimit të Qitësve Bullgarë është kampionia e dyfishtë olimpike Marija Grozeva, problemet në organizatë janë më pak. Mirëpo, kjo nuk mund të thuhet për financat.

“Nga gjashtë sportet e para, qitja ndoshta është sporti i vetëm me më shumë medalje nga kampionate botërore dhe nga Olimpiada. Mirëpo, në këtë sfond tepër e çuditshme është, se nuk disponojmë bazë të vet sportive” – theksoi trajneri Hristo Marinov.

U njoftua, se udhëheqja e vjetër jo legjitime disponon objektiva elektronikë për një shumë prej 500 mijë eurosh. Ata u blenë nga shteti për nevojat e qitësve të skuadrës përfaqësive, por në fakt qitësit nuk disponojnë me ta. Pa bazë të vet, qitësit bullgarë iu shpresojnë bazës së Ministrisë së Punëve të Brendshme. Valeri Grigorov nga Këshilli Drejtues i Bashkimit të Qitësve tregoi:

“Sipas kritereve të Ministrisë së Rinisë dhe Sportit, qitja sportive është një sport në kategorinë e dytë, pavarësisht se për nga numri i medaljeve jemi në gjashtën e parë, domethënë duhet të jemi në kategorinë e parë. Mirëpo, kërkesa është, se në se ndonjë sport nuk ka 50 klube radhitet në grupin e dytë. Kjo ka të bëjë me kufizimin e shpenzimeve administrative, dhe lëshimin e mjeteve për 5 sportistë, jo për 25. Kërkesat për organizimin e një klubi janë të shumta dhe është njëra gjë, që të disponosh 50 topa, tjetra – të ruash në depo 50 pushka.”

U saktësua se tashmë Bashkimi i Qitësve u takua me ministrin e sportit Krasen Kralev, i cili shprehu gatishmëri t’u ndihmojë qitësve. Sidoqoftë në konferencën e shtypit u njoftua, se pa përkrahjen financiare të një kompanie farmaceutike, qitësit bullgarë nuk do të ishin në gjendje të marrin pjesë në Kampionatin Evropian në Holandë. Tani qitësit bullgarë fillojnë përgatitjen për Kampionatin Botëror në Kore muajin prill, garë në të cilën do të fitohen kuota për lojërat olimpike në Rio.

Përgatiti në shqip: Svetllana Dimitrova