Bateristi Manoll Marekov tregon si e kanë zgjedhur emrin e grupit: “Kjo fjalë më mirë përshkruan emocionin, që ndjejmë në skenë para dëgjuesve tanë. Jam bashkuar me grupin i fundit. Qysh gjatë provës së parë ndjeva ngazëllimin nga puna me Todor, Ivan dhe kitaristin tonë Dimitër Ballev. U thash atyre: “Djem, jam shumë i lumtur nga puna me ju. Mbetem në grup.” Intuita ime nuk më ka gënjyer. Disa muaj më vonë u bë e qartë, se ky emocion është motori lëvizës jo vetëm për mua, por edhe për tërë formacionin. Fansat tanë gjithashtu ndajnë emocionet tona kur janë në koncertet.”
“Shijet tona janë shumë të ndryshme, por synimi është të bëjmë produkt të autorit, i cili të dallojë nga gjithçka që dëgjojmë – thotë këngëtari i grupit “GRUSH” Todor. Diçka që paraqet muzika moderne rok dhe njëkohësisht të duket se është ndikuar nga bandat klasike. Fakti, se interpretojmë këngë tanë të dashur, është një hap drejt asaj, që muzika jonë e autorit të tingëllojë ashtu siç dëshirojmë. Kur e prezantojmë nëpër klube dhe festivale, njerëzit e pëlqejnë. Në fund të vitit të kaluar festuam ditëlindjen tonë dhe fansat porositnin këngë tona dhe jo kavër versione të njohura. U bë e qartë, se njerëzit janë të etur për muzikë bullgare, për muzikë që dallon nga të gjitha këngët që kanë dëgjuar deri tani.”
Sa më i madh është grupi, aq më shumë janë kontradiktat – ndoshta kështu mendojnë disa. Po kjo nuk i shqetëson djemtë e grupit “CRUSH”, të cilët shkruajnë vet këngët dhe tekstet për to.
“Vazhdimisht shqyrtojmë ide të ndryshme. Rezultati përfundimtar është frytë e punës dhe eksperimenteve. Gjërat nuk ndodhen nga një herë, por sipas mendimit tim, kjo është rruga e drejtë. Kuptohet, se ka edhe mosmarrëveshje – kjo është e paevitueshme kur punohet në ekip, por kjo është dukuri pozitive. Është mirë, se jemi të ndryshëm.”
Shpresat e rinj në muzikën rok kanë shfaqje të suksesshme nëpër klubet e kryeqytetit, më 3 prill do t’i gëzojnë fansat e tyre me pjesëmarrjen në “Swingin Hall”. Të katër djemtë kanë edhe një arsye tjetër për krenari – kënga e tyre e parë në bullgarisht “A ishte magji” tashmë është fakt, videoklipi për këngën do të bëhet gati shumë shpejtë.
Përgatiti në shqip: Sofia Popova
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..