Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Po vazhdojnë shpërthimet në objektet ushtarake. Pse?

БНР Новини
Foto: BTA

Ditën e parë pas Pashkëve në fshatin Iganovo shpërtheu njësia e municioneve e Uzinës së Inxhinierisë “Sopot”. Një gjë e ngjashme në të njëjtin vend ndodhi para tri javëve. Të plagosur nuk kishte, vetëm evakuim me ndërhyrjen e Ministrisë së Mbrojtjes dhe Ministrisë së Punëve të Brendshme. Shkaqet po zbardhen. Veprimtaria e njësisë së uzinës u ndërpre pikërisht në momentin kur kjo e fundit është duke zbatuar marrëveshje, është duke u rimëkëmbur nga një krizë e gjatë dhe është duke shlyer detyrime të vjetra. Nuk bëhet fjalë për një rast të izoluar, por për një sërë incidentesh përfshi me viktima, të cilat gjatë nëntorit të vitit të kaluar Radio Bullgaria komentoi si “Një seri e zezë e incidenteve shqetëson shoqërinë bullgare”. Një muaj më vonë mund të shtojmë “dhe po vazhdon të shqetësojë atë”.

Vitet e fundit gjatë çmilitarizimit të municioneve në Bullgari kanë vdekur 19 persona dhe 18 të tjerë ishin plagosur. Shkaqet për incidentet e mëparshme kishin të bënin me jo profesionalizmin e personelit, kontrollin e reduktuar mbi procesin e prodhimit, dhe po ashtu me realizimin e çmilitarizimit nga firmat private dhe jo nga sektori shtetëror ushtarak. Më herët diskutohej gjerësisht kufizimi me ligj i aksesit të firmave private te ky biznes specifik, ndërsa sot qeveria synon të ndalojë importin, çmilitarizimin dhe transportimin e municioneve të vjetra nga vendet e tjera anëtare të BE-së.

Ministria e Ekonomisë, e cila e ka përgjegjësinë për uzinën, nuk komentoi se ka të ngjarë që të jetë faj shkaku i shpërthimit. Por drejtoi vëmendjen te shërbimet speciale të cilat duhej të përgjigjeshin pse brenda një muaji uzina shpërtheu dy herë radhazi. Autoritetet vendore mendojnë se është i dyshimtë fakti se si ashtu baza e prodhimit ka marrë flakë pasi aksesi tek ajo ka qenë i ndaluar për shkak të hetimit të shpërthimit të mëparshëm. Versionin për sabotim nuk e përjashtoi dhe vetë Ministri i Ekonomisë Bozhidar Llukarski. Ndërsa Ministri i Mbrojtjes Nikollaj Nençev bëri me dije se ka marrë një raport ku sugjerohet për sabotim, por nuk do ta komentojë çështjen pa folur së pari Prokuroria.

Shoqëria ka përse të shqetësohet, sepse kontrolli i shtetit në këtë sektor është i dobët dhe askush nuk dënohet. Zakonisht procedurat gjyqësore zgjasin me vite. Masat që ndërmerren pas çdo incidenti mbeten vetëm në letër, derisa po shtohen dëmet për sektorin e industrisë ushtarake, i cili sektor garanton qindra vende pune. Hipoteza për sabotim është më e komentuar se prehja në faktin se kudo në botë incidente të tilla ndodhin dhe nuk ka garanci 100 për qind kur punohet me municione.

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Shkolla Verore e Gjuhës Bullgare përfundoi me sukses

Ditët e fundit, nga 19 deri më 25 Korrik, ishin më të bukurat për pjesëmarrësit në Shkollën Verore të Gjuhës dhe Kulturës Bullgare . Ato ishin të mbushura plot me emocione që do të ngelen në memorien e tyre për një kohë të gjatë.  U mbyll me..

botuar më 24-07-27 10.30.PD

Sukses bullgar në Turneun Ndërkombëtar të Fizikanëve të Rinj në Budapest

Ekipi bullgar u prezantua në një nivel jashtëzakonisht të lartë gjatë Turneut Ndërkombëtar të Fizikanëve të Rinj (IYPT) në Budapest, ku morën pjesë 38 vende nga e gjithë bota. Fizikanët bullgarë fituan medaljet e argjendta ekipore. Kjo është..

botuar më 24-07-27 9.15.PD

Pranojnë aplikime për rezidencë për përkthyes letrarë në bullgarisht

Data 9 tetor është afati i fundit për aplikime për rezidenca kërkimore për përkthyes letrarë nga bullgarishtja në kuadër të projektit Archipelagos, njoftoi fondacioni "Faqja tjetër". Rezidencat do të zhvillohen në Shtëpinë e Letërsisë dhe..

botuar më 24-07-26 6.31.MD