Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Filarmonia „Pioner” çel “Javët muzikore të Sofjes” me një koncert më 24 maj

Sipas traditës edhe sivjet Festivali ndërkombëtar “Javët muzikore të Sofjes” fillon më 24 maj – Ditën e shkrimit sllav, arsimit dhe kulturës. Programi i edicionit të 46-të përfshin koncerte dhome dhe simfonike, disa vepra muzikore skenike. Do të shënohen përvjetorë të rëndësishëm – 75 vjet nga lindja e kompozitorit bullgar Aleksandër Josifov, 100 vjet nga vdekja e Aleksandër Skrjabininit, 130 vjet nga lindja e Moris Ravelit etj. Ndër aksentët e sivjetshëm janë prezantimet e Valentin Radutiut – violonçel, dhe Evgeni Bozhanovit – piano (më 27 maj), të kuartetit me tela “Harington”  nga ShBA (më 10 qershor), të ansamblit të dhomës “Solistët e Sofjes” (më 18 qershor), recitali i pianistes Pllamena Mangova (më 23 qershor) etj. Si zakonisht ngjarjet shoqëruese nuk janë më pak interesante. “Xhazi në fokus” është titulli i ekspozitës së Zafer Galibovit, i cili prezanton fotografi të virtuozit të muzikës xhaz Millço Leviev. Do të zhvillohen konferenca shkencore, seminare. Ndër pjesëmarrësit është kuarteti i telave “Frosh” nga Bullgaria – një nga formacionet më të suksesshme të muzikës dhome.

Nderin të hapë festivalin sivjet e ka filarmonia “Pioner” – një nga formacionet më të vjetra të “Pallatit Kombëtar të Fëmijëve”. Ajo është krijuar në vitin 1946 dhe ka një histori të pasur. Faqet e arta të kësaj historie janë lidhur me udhëheqjen shumëvjeçare të profesorit Vlladi Simeonov. Me këtë dirigjent filarmonia e fëmijëve dhe e të rinjve ka interpretuar në tërë Evropën, Meksikë, ShBA. Në një provë para koncertit të orkestrës në OKB më 1979 vetë Lenard Bërnstejni dirigjoi “Pionerin”, e pas kësaj lëri një autograf me tekst: “Kjo nuk është një orkestër e pionierëve (në kuptim – të adoleshentëve). Kjo është maja e qytetërimit!”


Sot në “Pioner” marrin pjesë nxënës nga Shkolla Muzikore Kombëtare, studentë të Akademisë Muzikore Kombëtare dhe fëmijë nga shkolla të tjera. Me më shumë hollësi për koncertin solemn në sallën “Bullgaria” mësojmë nga dirigjenti i ri Ljubomir Denev – bir, udhëheqësi i orkestrës prej disa vitesh.

„Do të interpretojmë veprat “Improvizacioni dhe Tokata” të Panço Vlladigerovit, “Valle pollovecki” të operës “Princi Igor” të Aleksandër Borodinit, “Nata e majës së lakuriq” të Modest Musorgskit dhe akoma disa vepra të tjera. Aksenti është mbi muzikën sllave – për shkak të datës speciale. Do të bëjmë një premierë botërore të Suitës për piano dhe orkestër simfonike “Atina”. Kompozitori i saj është bullgari Zhan Panajotov, i cili jeton në Gjermani. Flautistja  Amanda Nikollova nga  filarmonia “Pioner” dhe klarinetisti Rosen Ideallov do të interpretojnë “Tarantela” të Sen-Sansit. Pas këtij koncerti kemi pjesëmarrje dhe në një program të ri, kushtuar përvjetorit të 65-të nga krijimi i Pllatit Kombëtar të Fëmijëve. Gjatë korrikut përsëri do të mbledhin më se 90 muzikantë në Orkestrën Ballkanike të të Rinjve. Koncerti do të zhvillohet në kuadrin e festivalit “Vera e Varnës. Në sajë të kontakteve me shkollat muzikore të qyteteve Nish dhe Selanik vitin e kaluar për herë të parë interpretuam së bashku – përfaqësuesit e tyre, filarmonia “Pioner” dhe nxënësit nga shkolla muzikore e qytetit Plovdiv.

Për mua është një nder i madh dhe një përgjegjësi e posaçme të dirigjojë këtë orkestër, e cila tashmë ka emër të madh që dihet edhe jashtë kufijve të Bullgarisë. Në sajë të fondacionit “Profesori Vlladi Simeonov” dhe të Pallatit Kombëtar të Fëmijëve ne mund të realizojmë projektet tona, të udhëtojmë. Filarmonia “Pioner” është vendi, ku instrumentistët  e rinj grumbullojnë përvojë dhe përgatiten për pjesëmarrjen aktive në jetën muzikore të Bullgarisë. ”

„Në koncertin e 24 majit do të marrin pjesë kori “Bodra Smjana”, i cili do të interpretojë “Kimnin e vëllezërve Kirill dhe Metodij”. Ngjarja fillon në orën 12 . Ftojmë të gjithët, që dëshirojnë të festojmë së bashku festën më të ndritshme bullgare. Hyrja është falas – tha Ljubomir Denev – bir. 

Përgatiti në shqip: Jordanka Ivanova




Последвайте ни и в Google News Showcase, за да научите най-важното от деня!

Më shumë nga rubrika

Georgi Minçev

“Lule për Goshon” mbledh adhuruesit e këngëtarit Georgi Minçev

Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..

botuar më 24-09-07 6.10.PD
Dimitër Hristov

“Mbrëmjet ballkanike” – punëtori muzikore bullgare në Pitsbërg

“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..

botuar më 24-09-05 8.10.PD

Mbyllet sezoni i nëntë i Operës Verore "Skena e Shekujve" 2024

Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan banorëve dhe vizitorëve të kryeqytetit të vjetër bullgar koncerte, shfaqje opere dhe baleti,..

botuar më 24-09-04 2.40.MD