Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Grupet vokale të fëmijëve pranë Radios Kombëtare Bullgare këndojnë për Festën e Fëmijëve

БНР Новини
Foto: Bulfoto

1 qershor është dita më e preferuar për vogëlushët. Atëherë qielli është plot me balona me shumë ngjyra, kudo dëgjohet muzikë, dëshirat e fëmijëve janë detyra për prindërit. Këngëtarët e vogël nga grupet vokale të Radios Kombëtare Bullgare gjithashtu festojnë.

Sivjet shënojmë përvjetorin e 25-të të krijimit të formacionit “Radiofëmijët”. Fëmijët në të janë në moshë midis 5 dhe 11 vjeç. Ata incizojnë për programet e Radios Kombëtare Bullgare dhe përveç kësaj japin shumë koncerte. Pjesëmarrja e tyre e fundit ishte në programin e orkestrës “Big Bend” me emër “24 kuadro xhaz”, kushtuar përvjetorit të 100 të kinemasë bullgare. Atje interpretuan këngën “Fëmijëria ime” nga filmi “Pushimi i papritur” – muzikë dhe aranzhim Vili Kazasjan, tekst Bogomill Gudev.

“Radiofëmijët” janë muzikantët më të rinj nën çatinë e “Shtëpisë së madhe” (siç shpeshherë e quajnë Radion Kombëtare Bullgare). Në Korin e Fëmijëve gjithashtu ka fëmijë të vogël, por ata kalojnë një trajnim 3 vjeçar para se të fillojnë të marrin pjesë në koncerte. Repertori i tyre përfshin veprat më të mira korale.

Kori i Fëmijëve i BNR-së është ndër më prestigjiozët në Bullgari dhe arti i tij njihet tashmë në disa kontinente. Është themeluar para 55 vjetësh nga Hristo Nedjallkovi, i cili më shumë se 50 vjet ishte dirigjenti i tij. Maestroja Nedjallkov krijoi shumë këngë për fëmijë për repertorin e korit. Tani dirigjentja e korit është Venecija Karamanova.

СнимкаRadiokori i Fëmijëve përsëri do të shënojë festën e fëmijëve në skenë. Pikërisht më 1 qershor ata do të këndojnë në Teatrin Popullor “Ivan Vazov”. Koncerti është organizuar nga shoqata “Bullgaria je ti”.

Pavarësisht se zakonisht fëmijët festojnë në skenë, këtë herë zonja Ilina Todorova e lëri 1 qershorin vetëm për lojëra fëmijësh. Muzikantët e rinj kanë nevojë për pushim pas një seri koncertesh dhe pas prezantimit të tyre të mrekullueshëm në Festivalin ndërkombëtar të arteve “Sen Deni” në Farncë. Përveç kësaj interpretuesit e rinj presin pjesëmarrjen e tyre të fundit për këtë sezon me emër “Përshëndetje, pushim”.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Këngët e Kiçka Savovës mbledhin të rinj të talentuar në një master klasë në Plovdiv

Më 9 nëntor, një nga sallat e Ansamblit Folklorik “Trakia” në qytetin e Plovdivit (Bullgaria Jugore) do të mbledhë talentë të rinj për master klasën tradicionale “Me këngët e Kiçka Savovës”. Ngjarja organizohet nga fondacioni “Kiçka Savova”, kryetare e të..

botuar më 24-11-08 1.10.MD

Iskrena Jordanova – një muzikante e shquar që ia kushtoi zemrën muzikës barok

Violinistja Iskrena Jordanova prej tridhjetë vitesh jeton në Lisbonë. Gjithçka që ajo bën si muzikante është e lidhur me muzikën barok. Një pjesë të madhe të kohës ia kushton zbulimit të dorëshkrimeve të lashta, të cilave u jep jetë me ansamblin e saj..

botuar më 24-11-06 7.50.PD

Një koncert i daulleve japoneze tajko do të kënaqë dashamirësit e muzikës në Sofje

Dashamirët e muzikës japoneze mund të shijojnë një koncert me daulle tradicionale japoneze tajko në ekzekutim të grupit Wadaiko-Sai - Japoni. Koncerti mbahet në kuadrin e Ditëve të Kulturës Japoneze në vendin tonë. Daullet Tajko kanë një histori..

botuar më 24-11-05 9.10.PD