Tre mbrëmje të shkëlqyera (26-28 qershor) me disa nga rok dhe metal bandat më të mira nga skena botërore premton edicioni i dhjetë i “Kavarna rok fest”. Duke pasur parasysh se cilët janë hedllajnerët e sivjetshëm “Twisted sister” dhe “Within temptation”, mund të jemi të sigurt, se festivali do të mbahet mend për një kohë të gjatë.
“Do të ketë edhe shumë surpriza të tjera – premton kryetari i bashkisë i qytetit Kavarna Conko Conev. – Shpresoj që Michael Kiske dhe Kai Hansen ish anëtarët e grupit gjerman “Helloween” të bëjnë një shou me grupin e tyre “Unisonic”.
Fansat në Bullgari do të kenë shansin unikal të marrin pjesë në një premierë botërore. Ata do të dëgjojnë këngë nga disku i ri i “Kamelotit”. Hollësira mësojmë nga Conko Conevi: “Ai shënon shitje mjaft të mira. U ngjit shumë shpejt në klasifikimin e revistës amerikane për muzikë “Billbord”. Do të dëgjojmë dhe shumë nga këngët e tyre të njohura të vjetra. Grupi për herë të dytë vjen tek ne –gjatë vitit 2012 përsëri ishte në skenën e “Kavarna rok”. Kanë një bazë serioze fansash këtu, që i pret me padurim. Kemi planifikuar edhe një befasi tjetër për fansat e metëlit simfonik me vokale grash – holandezët “Delain” do të hapin festivalin ditën e shtunë.”
“Ditën e premte do të zhvillojmë iniciativë nën titullin “Roku u ndihmon fëmijëve të sëmurë” – tregon kryetari i bashkisë. –Bashkërisht me qendrën e gjakut të qytetit Varna do të zhvillojmë një aksion për dhurim të gjakut për fëmijët nga krahinat Dobriç dhe Varna, të cilët kanë nevojë për gjak çdo muaj. Të gjithë të cilët kanë dëshirë mund të dhurojnë. Pas kësaj do të luhet një loto dhe 20 nga dhuruesit e gjakut do të marrin ftesa falas për festivalin.”
Përgatiti në shqip: Nataniela Vasileva
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..