Për herë të parë një bullgare arriti sukses në Kampionatin e Lartë Anglez. Emri i saj është Evdokija Popadinova, ose shkurt Eva. Kjo bullgare e bukur dhe e talentuar lindi në vitin 1996 në qytetit Haxhidimovo, rrethi i qytetit Bllagoevgrad. Është njëra nga mjeshtret e golave në ekipin e qytetit Bllagoevgrad “Sportika”. Ka shënuar gola edhe për skuadrën përfaqësive dhe për të të Akademisë Kombëtare Sportive. Tashmë është fakt kontrata e nënshkruar prej saj me skuadrën angleze “Bristoll Akademi”. “Nuk do të shkoj në Britaninë e Madhe, që të qëndroj në stolin e rezervave. Po nis që të tregoj çfarë kam mundësi të bëj. Qëllimet e mia janë shumë të larta, kështu që kam shumë punë për t’u kryer”, është kategorike bashkëbiseduesja.
Sa e gjatë është rruga nga Haxhidimovo deri te Bristolli do të na përgjigj vet ajo: “Rruga është mjaftë e gjatë. Që nga e vogla trajnoj, por suksesi vjen që tani. Gjithnjë kam ëndërruar, që e gjithë kjo të ndodhë me mua më herët, para se të mbushë 18 vjeç. Por gëzohem, se u bë kështu, sepse tani jam e rritur dhe kuptoj më shumë gjëra.”
Shpesh i drejtojnë pyetjen, pse e zgjodhi futbollin pasi kjo është një sport i meshkujve. Është fakt se gjithçka u bë në mënyrë spontane. I ati i saj ishte trajner. Kështu që kur ishte fëmijë Evdokija preferonte të kalonte kohën e lirë me djemtë, me të cilët luante futboll. Kur u bë 12 vjeçare u regjistrua të trajnonte futbollin. Në fillim i ati nuk ishte i entuziazmuar, sepse në ato vite asnjeri në Bullgari nuk flitej për futbollin e femrave. Në fund të fundit ai pranoi, sepse e kishte të qartë, se vajza kishte talent. Pikërisht ai u bë mbështetja e saj më e fuqishme në momentin më të rëndë në jetë. Ajo përjetoi një traumë dhe u detyrua që për 7 muaj të mos trajnonte. Kjo ishte një periudhë i lëkundjeve të pafundme. Evdokia ishte pothuajse gati të hiqte dorë nga futbolli. Mirëpo, i ati ishte ai, i cili e siguronte se duhet të vazhdonte, sepse kishte shans që të vërtetonte mundësitë e veta. Sot futbollistja është e bindur, se trauma e bëri më të fortë, si fizikisht, ashtu edhe psihikisht.
Vallë, a do të thotë se orientimi i Evdokijas te futbolli vjen të sugjerojë se në jetë tregon më shumë virtyte prej mashkulli?
“Nuk mund të them, se në jetë tregoj shumë cilësi prej buri. Po, e mbaj fjalën e dhënë, por më pëlqen të posedoj edhe joshen prej femre. Mirëpo, kur jam në terren atëherë situata është krejt e ndryshme. Aty duhet të tregoj virtyte prej burri dhe të mos heq dorë nga përpjekjet. Futbolli është lidhur me shumë dhembje dhe trauma. Dhe në se do të kam sjellje prej vajze, atëherë nuk do të arrijë asgjë.”
Çdo futbollist ëndërron për karrierë botërore. Vallë, a është lehtë, që një vajzë e huaj të bëjë çarje në Kampionatin Anglez?
“Doemos nuk është e lehtë, sidomos kur bëhet fjalë për Bullgarinë – rrëfen Evdokija. – Tek ne futbolli i femrave nuk është mjaftë i zhvilluar, prandaj është tepër e vështirë të bëhet transferim. Që para një viti ish trajneri im Emill Kërcellski, i cili tashmë punon në Angli, bëri provë të më prezantonte në këtë vend. Mirëpo, ishte tepër vështirë. Dhe kjo për shkak, se duhet të pohonte se në të vërtetë prezantonte një futbolliste e talentuar. Kur shkova në Angli, nuk mendova se do të më pëlqejnë. Mirëpo, pas trajnimit të dytë trajneri më ftojë që të mbetem.”
Bukuroshja, e cila tashmë kishte kohë të njihet me vendin e ri dhe me futbollistet e tjera të skuadrës, është e mahnitur nga mirëpritja e tyre të përzemërt. “Ato më ndihmojnë, dhe asnjë herë deri tashti nuk kanë lejuar që të ndjej veten se nuk jam në vendin e duhur” – tregon Eva. Ajo është e mahnitur nga niveli i lartë i futbollisteve angleze, nga baza e mirë dhe nga kushtet për rimëkëmbje, që u sigurohen sportistëve. Në Bullgari për fat të keq situata është krejt e ndryshme.
“Në Bullgari trajnerët përpiqen të përmirësojnë nivelin, por mjetet nuk mjaftojnë. Kur kemi ndeshje në ndonjë qytet tjetër, vet trajnerët kërkojnë donatorë, që të sigurojnë pjesëmarrjen tonë – tregon Eva. – Vetëm mund të respektoj trajnerët për këtë që bëjnë. Sepse secili përpiqet të ndihmojë me çfarë ka mundësi. Jam me shpresë, se futbolli i femrave në Bullgari do të zhvillohet, sepse kemi shumë vajza të talentuara.”
Përgatiti në shqip: Svetllana Dimitrova
Para disa ditësh filluan Lojërat Olimpike Verore XXXIII. Për herë të tretë në historinë tonë moderne dhe saktësisht një shekull pas pritjes së fundit, forumi më i rëndësishëm sportiv po mbahet sërish në kryeqytetin francez Paris, i cili është dhe..
Në vazhdim të 19 ditëve, më shumë se 10 000 atletë nga 206 vende do të garojnë në 32 disiplina të ndryshme. Bullgaria do të përfaqësohet me 46 sportistë. Kjo është një nga ekipet më të vogla të vendit tonë në Lojëra Verore deri më sot. Me..
Radina Veliçkova fitoi medaljen e artë në 100 metra për vajza në Kampionatin Evropian të Atletikës së Lehtë nën 18 vjeç në Banska Bistrica të Sllovakisë. 16-vjeçarja Veliçkova përfundoi për 11.46 sekonda. Kështu ajo vendosi një rekord kombëtar bullgar..
Në Olimpiadën e Shahut në Budapest (Hungari) shahistet kombëtare bullgare dhe kampione të Evropës për vitin 2023 fituan ndeshjet e tyre në raundin e..