“Skena e shekujve” – festivali i frymëzuar nga e kaluara historike heroike e vendit tonë, përsëri do t’i gëzojë adhuruesit e tij me vepra të zgjedhura. Ky edicion është i posaçëm, sepse mbushen 30 vjeç nga shfaqja e parë e Operës dhe Baletit të Sofjes në kodrën “Carevec”, në qytetin Veliko Tërnovo. Që atëherë deri më sot dekori natyror i mureve rrethuese mesjetare të kalasë kthehen në skenë të përhershme për spektaklet. Pas një ndërprerje 21 vjeçare forumi ishte rivendosur në vitin 2008 ne lidhje me përvjetorin një shekullor të shpalljes së Pavarësisë së Bullgarisë.
“Skena e shekujve” sivjet ofron në dy mbrëmje me radhë – 24 dhe 25 korrik, operën e parë të Maestro Georgi Atanasovit “Borisllav”. E krijuar në vitin 1911 në bazë të dramës së Ivan Vazovit ajo mbeti në kronikat kulturore si opera e parë historike bullgare. Kryevepra e klasikes ruse – opera “Boris Godunov” nga Modest Musorgski do të shfaqet më 31 korrik dhe më 1 gusht. Surpriza që regjisori akad. Pllamen Kartallov ka përgatitur për publikun, është në final – në vend të skenës me vdekjen e sundimtarit rus, shfaqja përfundon me një parakalim në katedralen “Vasilij Blazheni”. Premiera e saj ishte gjatë verës së shkuar dhe kaloi me sukses të madh para katedrales “Aleksandër Nevski” në Sofje.
“Ai është një dramaturg dhe regjisor i jashtëzakonshëm operistik. Ka bërë një shfaqje shumë të mirë me dekore të mira – p.sh. mështeknat e vyshkur në skenë simbolizojnë gjendjen sociale të popullit, i cili është personazhi kryesor b ashkë me Boris Godunovin në këtë dramë monumentale. Festivali “Skena e shekujve” është pjesë e pandashme e politikës kulturore të Bullgarisë. Në edicionin tij të parë ishte vënë në skenë opera “Ivajllo”, dirigjent i së cilës ishte vetë kompozitori Marin Golleminov dhe me regji të Pllamen Kartallovit. Ai ka meritë të madhe për zhvillimin e këtij festivalit. Vetë forumi është i njohur edhe në vende të tjera, çdo vit e frekuentojnë shumë të huaj.”
Është interesante se opera “Boris Godunov” ka disa orkestrime. Pasi Musorgski e ka shkruar, ai brenda disa muajve ka përfunduar orkestrimin e saj. Më vonë bëhet i njohur një përpunim shumë i çmueshëm i Nikiollaj Rismki-Korsakovit. Në këtë variant opera është shfaqur dhjetëra vite me radhë në Rusi dhe në botë. Dmitrij Shostakoviç po kështu është ndër emrat e mëdhenj që kanë punuar mbi këtë kryevepër. Spektakli i Pllamen Kartallovit është nën redaktimin e dirigjentit David Lloyd-Jones.
Përgatiti në shqip: Sofia Popova
Orkestra e Muzikës Popullore e Radios Kombëtare Bullgare (BNR) me dirigjent Dimitër Hristov mbyll sezonin sonte /20 qershor/ me një koncert në të cilin do të tingëllojnë vetëm titujt premierë. Programi përfshin 17 pjesë të reja dhe aranzhime..
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..