Mlladen Kojnarov është një nga zërat më të bukur të Rodopeve, dhe më 15 shtator mbushi 70 vjeç. E shënoi festën e tij mes kolegëve dhe miqve. Këngëtari popullor është në skenë më shumë se gjysmë shekull. Është i dekoruar me Lirë të Artë dhe të Argjendtë, të cilat i janë dhënë nga Lidhja e Veprimtarëve Muzikorë dhe të Vallëzimit në Bullgari. Tregon se peshqeshi më i madh janë sukseset e nxënësve të tij nga shkolla për këngë popullore në qytetin Smoljan.
“Fillova gjatë vitit 1963, në Festivalin e Dytë Republikan – kujtohet këngëtari. – Atëherë fitova dekoratën time të parë. Shumë shpejt pas kësaj duhej të shkoj ushtar (gjatë asaj kohe ishte e detyrueshme dhe zgjaste dy vjet). Në Ansamblin Rodopa erdha gjatë vitit 1970. Që atëherë jam anëtar i kolektivit artistik. Pavarësisht se në praktikë jam pensionist prej një farë kohe, vazhdoj të paraqitem si solist. Gjatë vitit 2000 themelova shkollë pran vatrës së kulturës “Kirill Maxharov” në qytetin Smoljan – lagja Ustovo. Si i zgjedh fëmijët? Në radhë të parë duhet të kenë talent dhe një kujtesë të mirë muzikore. Por meraku po kështu është shumë i rëndësishëm. Pa merak nuk bëhet asgjë. Kam parë shumë këngëtarë të talentuar, të cilët nuk punojnë dhe nuk zhvillojnë dhuntitë e veta të dhëna nga natyra. Këngëtarët e vegjël vijnë tek unë në një moshë 4-5 vjeç. Ndihmës shumë i vlefshëm në punën time janë prindërit, gjyshet dhe gjyshërit. Në sajë të tyre mund të formoj zakone tek fëmijët. Deri tani kam përgatitur 7 fëmijë për Shkollën Kombëtare për Arte Folklorike në Shiroka Llëka. Kurse nxënësi im i parë tanimë përfundoi Akademinë e Arteve në qytetin Plovdiv. A e përfytyroni!”
Derisa ndërton repertorin e vet, Mlladen Kojnarov vet i hulumton këngët, të cilat më vonë i përfshin në programet e “Rodopës”, incizon për Radion Kombëtare Bullgare dhe Televizionin Kombëtar Bullgar. Ka pllaka të botuara gramafoni dhe disqe. Gjatë vitit 1978 fiton dekoratë të dytë nga radio konkursi për muzikë popullore “Pix de folklore” në Bratislavë. Ka shfaqur qindra koncerte tek ne dhe në vende të ndryshme në botë. Këngët e vet Mlladen Kojnarovi i interpreton në shoqërim të gajdexhive të njohur Gjeorgji Musorliev dhe Petër Janev, orkestra e Ansamblit “Rodopa”. Dhe po kështu dhe në bashkëpunim me dirigjentët Llazarin Kisjov, Dobrin Panajotov, Ivan Topallov, Kosta Kolev.
“Jam i lumtur se të rinjtë po e vazhdojnë traditën. Jam i lumtur se përvoja ime më jep mundësi të ndërtoj të ardhmen e fëmijëve të talentuar të Rodopës” – thotë në përfundim Mlladen Kojnarov.
Përgatiti në shqip: Nataniela Vasileva
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan krijon një tingull dramatik me muzikë dhe aranzhim bazuar në poezinë e poetit të madh Damjan..
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk ka dashuri ” i kushtohet muzikës, si pjesa më e bukur dhe më kuptimplote e jetës së artistit të ri...
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka". Emin Al-Xhunejd e njohim nga pjesëmarrja e tij në Konkursin Kombëtar të Këngës Argëtuese..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë..