Studioja vokale “Nusha” është krijuar përpara dy vjetëve pranë vatrës popullore të kulturës “Vëzrazhdane” (Rilindja) në kryeqytet. Themeluese dhe drejtuese është këngëtarja popullore Neli Andreeva – soliste në Ansamblin Kombëtar Folklorik “Filip Kutev”. Pavarësisht nga historia e vet e shkurtër, formacioni ka disa dekorata prej konkurseve ndërkombëtare dhe një veprimtari të pasur koncertesh. Në themel është trioja “Nusha”, në të cilën Neli këndonte bashkë me dy vajzat e saj, nxënëse në Shkollën Kombëtare Muzikore “Ljubomir Pipkov”. Vajza më e madhe Kalina ekzekuton në kontrabas, kurse Joana i bie violinës. Mësojnë muzikë klasike, por vazhdojnë dhe të këndojnë këngë popullore. Në studion vokale janë bashkë me akoma disa zonjusha të tjera të reja në moshë midis 16 dhe 24 vjeç.
“Studioja vokale tanimë ka dekorata jo të pakta – tregon Neli Andreeva. – Pjesëmarrja jonë e parë ishte në Festivalin Ndërkombëtar Koral “Tingujt e Detit të Zi” në qytetin Ballçik. Që aty ikëm me dekoratën e posaçme “E ardhmja e Evropës”. Në Braila-Rumani fituam vend të parë-po kështu në një forum ndërkombëtar në të cilin morën pjesë përfaqësues të vendeve nëpër rrjedhën e lumit Danub. Ky sukses është një gëzim i madh dhe krenari për “Nusha”. Kemi dhe disa dekorata jostandarde. Për shembull “Milingonën e artë” nga Art festi i përvitshëm në Sofje. Festojmë ditëlindjen tonë të dytë me koncert në qendrën kulturore informative Ruse në kryeqytet. Ai është në “sallën e Mermertë”, më 15 tetor. Jemi shumë mirënjohës se na e ofruan këtë skenë të shkëlqyer. Ftesës tonë ju përgjigjën solistët nga Ansambli Kombëtar për Këngë dhe Valle Popullore “Filip Kutev” si dhe orkestra “Cvetnica”me drejtues Valentin Jankov. Jemi shumë mirënjohës se, muzikantë kaq të mirë dhe të njohur na përkrahin. Në fakt, studioja vokale “Nusha” gëzon një prani shumë të mirë nga ana e specialistëve dhe të publikut. Përpara disa muajve qemë për vizitë në Festivalin Folklorik në qytetin Bellfor – Francë. Sipas statistikës gjatë kohës së gjithë ngjarjes vizituesit kanë qenë rreth 80 000. Koncerti ynë vetjak në të hapur përpara një publiku rreth 4000 veta do të mbetet me të vërtetë një moment i paharruar. Kishim dhe akoma dy koncerte në salla, të cilat qenë të përmbushura. Në fund të muajit tetor dhe gjatë javës së parë të muajit nëntor do të kemi uërkshop në Berlin. Do të punoj me këngëtaret nga kori “Zërat bullgarë – Berlin”. Pjesa më e madhe prej tyre janë gjermane, të cilat e duan muzikën tonë popullore. Themeluese dhe dirigjente e këtij grupi është bullgarja Borjana Çereti-Veliçkova. Përveç repertorit për një kor popullor grash do të tregojmë dhe pak folklor për fëmijët. Bashkë me mua do të vijnë dhe vajzat e mia, me to do të interpretojmë disa nga këngët e trios “Nusha”. Është i parashikuar dhe një koncert final, në të cilin do të prezantojmë një program përmbledhës bashkë me korin.”
Koncerti më 7 nëntor është në sallën e madhe të Universitetit të Artit – një nga sallat më të mëdha për koncerte në Berlin. Përveç trios bullgare, në të do të marrin pjesë “Zërat bullgarë të Berlinit”, “Kori ortodoks Bullgar – Berlin” (po kështu i krijuar dhe i drejtuar nga Borjana Çereti-Veliçkova), Formacioni Folklorik “Ravnec” dhe grupi i vallëzimit “Sborenka” nga Bullgaria. Dirigjent dhe drejtues i projektit është Borjana, kurse ngjarja realizohet me përkrahjen e Bashkimit Koral Gjerman dhe dy grupe gjermane.
Përgatiti në shqip: Nataniela Vasileva
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan krijon një tingull dramatik me muzikë dhe aranzhim bazuar në poezinë e poetit të madh Damjan..
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk ka dashuri ” i kushtohet muzikës, si pjesa më e bukur dhe më kuptimplote e jetës së artistit të ri...
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka". Emin Al-Xhunejd e njohim nga pjesëmarrja e tij në Konkursin Kombëtar të Këngës Argëtuese..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë..