Që me edicionin e parë në vitin 2011 Festivali i Kulturës Bullgare në Bruksel u kthye në një festë të vërtetë të arteve. Krahas kësaj ai u jep mundësi bullgarëve me banim në kryeqytetin belgjian të njihen me novitetet më interesante në kalendarin kulturor bullgar. Organizatore është Qendra Kulturore “Diogen” me themeluese dhe udhëheqëse Zllatina Ruseva. Ajo është regjisore dokumentare dhe është organizatore nismëtare e Festivalit Ndërkombëtar të Kinemasë Dokumentare “Milenium” në Bruksel.
“Vendosëm, që edicioni i pestë i Festivalit të Kulturës Bullgare të shndërrohet në një festë dhe hartuam një program ambicioz, në të cilin ka gjithçka – muzikë, teatër, shfaqje për fëmijë, kinema – tregon Zllatina Ruseva. – Shumë impozante ishte hapja e festivalit më 30 shtator me filmin e regjisorit Atanas Kirjakov “Shkëmbimi”. Po këtë mbrëmje paraqitëm edhe filmin “Dashuria është çmenduri” – filmi i parë bullgar xhiruar në vitin 1917. Mirëpo, mbrëmja më interesante ishte ajo i kushtuar kinemasë arkivore bullgare dhe filmit të parë dokumentar bullgar “Në mbretërinë e trëndafilave”. Pianisti i njohur bullgar Bojan Vodeniçarov e shoqëroi filmin me muzikë të vet. Me banim në Bruksel janë më se 15 mijë bullgarë. Si ata, ashtu edhe fëmijët e tyre kanë domosdoshmëri të mbajnë lidhje me kulturën bullgare. Kështu që festivali u bë një vend për një takim me rrënjët si të thuash. E reja në programin e sivjetshëm ishin shfaqjet për fëmijë. Prej kohe desha, që për fëmijët bullgarë me banim në Belgjikë të bëj një program. Në një moshë të njomë, në të cilën formojnë personalitetin e vet dhe virtytet, ata rritin në mesë të disa kulturave dhe të disa gjuhëve. Ideja ishte, që ata të krijojnë një përfytyrim për identitetin e tyre që të formojnë sedrën prej bullgari. Veprimtaria e parë u kushtuara fëmijëve u zhvillua në një sallë të përmbushur. Prandaj për aktivitetin e dytë vendosëm të organizojmë dy shfaqje. Mirëpo, prapë kishim vështirësi që të pranojmë të gjithë që kishin dëshirë ta shikojnë. Fëmijët ishin tepër të gëzuar. Ata mësuan shumë gjëra të reja dhe interesante. Dëgjuan fjalë të vjetra bullgare, të cilat nuk përdoren në gjuhën e prindërve të tyre.”
“Vajza e pa lindur” dhe “Te pusi” ishin pjesët e fëmijëve, të cilat u prezantuan në ditët e Festivalit. Të dy ato kanë të bëjnë me folklorin përrallorë dhe muzikor bullgar. Trashëgiminë tradicionale bullgare e prezantuan në shfaqjet e tyre edhe nxënësit e shkollës Kombëtare Muzikore “Ljubomir Pipkov” në Sofje. Festivali mbyllet më 26 nëntor me filmin e regjisorit Konstadin Bonev “Pesë tregime për një pushkatim” i kushtuar poetit Nikolla Vapcarov. Parashikohet po këtë ditë edhe një mbrëmje letrare, në të cilën do të prezantohet libri “E kuqja” i Ivajllo Aleksandrovit. Televizioni Kombëtar Belgjian do të transmetojë një reportazh i kushtuar Festivalit të Kulturës Bullgare në Bruksel. Krahas kësaj ai do të prezantojë edhe filmin bullgar “Rruga e gjatë drejt shtëpisë” me regjisore Borjana Punçeva dhe producent Ivan Niçev. Një theks do të vihet mbi përvjetorin e 100-të të kinemasë bullgare. Atij iu kushtohen disa shfaqje të filmave, gjë që realizohet me përkrahjen e Ministrisë Bullgare të Kulturës, Ambasadës së Bullgarisë në Belgjikë dhe Filmotekës Kombëtare Bullgare.
Përgatiti në shqip: Svetllana Dimitrova
Prof. Riccardo Picchio (1923 – 2011) është pak i njohur për publikun e gjerë, por ai është një nga studiuesit më të mëdhenj italianë që përktheu autorë klasikë bullgarë në Itali, thotë Veneta Nenkova, themeluese e shkollës bullgare në Romë “Asen dhe..
Monospektakli "Zoti Ibrahim dhe lulet e Kuranit" i Marius Donkin bazuar në veprën me të njëjtin emër të Eric-Emmanuel Schmitt fitoi çmimin e madh në edicionin e sivjetmë të Festivalit Ndërkombëtar "MonoAkt" në Kosovë, njoftoi "Koha Ditore". Monodrama e..
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Filmi "Triumfi" i dyshes regjisoriale Kristina Grozeva dhe Petër Vëllçanov është propozimi bullgar për çmimet "Oskar", njoftuan nga Qendra..
Brazili është ndoshta një nga destinacionet më pak të njohura për të emigruar mes bullgarëve sot. Vetë vendi nuk ka një standard jetese kaq të..