“Çmimet vjetore folklorike” është një klasifikim internet për interpretues dhe ekzekutues popullorë të gjinive të ndryshme të artit tradicional. Kandidatët caktohen nga një ekip specialistësh të zgjedhur nga Shoqata “Trashëgimtarë të zjarrit folklorik”. Admiruesit nga mbarë vendi e kanë të drejtën të bëjnë zgjedhjen e tyre. Më se dhjetë janë kategoritë – “Zëri i vitit”, “Duete folklorikë”, “Albumi i vitit” e kështu me radhë. Ka edhe çmime për fëmijë. Votimi bëhet në një afat caktuar nga organizatorët. Emrat e fituesve shpallen në një ceremoni solemne.

Një nga idetë origjinale e ekipit të “Çmimeve vjetore folklorike” është që çdo vit të respektojnë këngëtarë dhe interpretues të mëdhenj popullorë me kontribut për afirmimin e folklorit bullgar. Edicioni i parë i kësaj veprimtarie iu kushtua këngëtarit të paharrueshëm Boris Mashallov. Sivjet respektohet këngëtarja me zë prej bilbili Gjurgja Pinxhurova, në lidhje me përvjetorin e 120-të të lindjes. Para disa muajve organizatorët dorëzuan dy çmime speciale për kontribut të tërësishëm të këngëtares Ljubka Rondova dhe koreografit Radi Radev. Sivjet çmime marrin edhe Ivo Papazovi – Ibrjama – ekzekutues virtuoz i klarinetës, i cili e përhapi lavdinë e vendit anë e mbanë botës. Çmimin “Zëri i vitit “ e merr këngëtarja Kalinka Vëllçeva.

Përgatiti në shqip: Svetllana Dimitrova