Dita e Shën Llazarit – festa e pranverës

botuar më 16-04-23 11.15.PD] БНР Новини

Foto: BGNES

Dita e Shën Llazarit është një nga festat me datë të lëvizshme. Në kalendar ajo përcaktohet sipas datës së Pashkës dhe shënohet në të shtunën para Javës së Madhe. Sipas ungjijve kjo është dita e ringjalljes së Llazarit – njërës prej mrekullive të e kryera nga Jezu Krishti.

“Ikë, ikë, Llazar”, interpreton Grupi folklorik i femrave i qytetit Jamboll

Update Required To play the media you will need to either update your browser to a recent version or update your Flash plugin.

Në traditën popullore festa njihet si Llazarica, Llazarnica apo E diela e Llazarit dhe zakonet e saj janë pjesë e kompleksit të riteve që shënon kohën e tranzicionit midis dimrit dhe pranverës, midis vdekjes dhe jetës. Sipas mitologjisë sonë Llazari është mbreti i pyjeve dhe shkurrajave. Në duart e tij ai mban sëpatë, pret drunjtë dhe bën ara për njerëzit. Vjen për të sjellë një fillim të ri për natyrën dhe martesë për çupët.

“Iku Llazari”, interpreton Grupi folklorik i femrave i fshatit Banja

Update Required To play the media you will need to either update your browser to a recent version or update your Flash plugin.

Kjo është dita e socializimit simbolik të vajzave në moshë paramartesore. Ato stolisin kokët e tyre me gjelbërim, me lule dhe në disa rajone me pendë shpendësh, sepse besohet se kjo do të sjellë fat. Pastaj shkojnë nëpër shtëpitë e fshatit kërcejnë dhe vallëzojnë. Besohet se një çupë, e cila nuk ka marrë pjesë në ritet e ditës së Shën Llazarit nuk mund të martohet.

“Vajza llazarka luan në obor” në interpretim të këngëtares Marija Krësteva

Update Required To play the media you will need to either update your browser to a recent version or update your Flash plugin.

Këngët e vajzave në këtë ditë janë urime për shëndet dhe pjellori. Funksionojnë si bekime për pronarët e shtëpisë, për çupët dhe djemtë e pamartuar, për fëmijët, nuset e kështu me radhë... Kjo shëtitje nëpër fshat sjell lumturi, fat dhe bereqet. Mikpritësit u dhurojnë vajzave vezë të bardha dhe para të vogla. Pastaj çupët ndajnë paratë, kurse vezët i ngjyrosin për Pashkën. Pasi përfundojnë vizitat në shtëpitë e fshatit ato kthehen në pikën, ku kanë filluar shëtitjen e tyre duke bërë një rreth simbolik. Sipas besimeve popullore rrethi ka një forcë të fuqishme mbrojtëse.

Përgatiti në shqip: Jordanka Ivanova

Последвайте ни и в Google News Showcase, за да научите най-важното от деня!

Ndaje

Dita e Shën Llazarit – festa e pranverës

Më shumë nga rubrika

Lojëra, beteja dhe atraksione - festivali antik "Nike - loja dhe fitorja" pranë Veliko Tërnovos

Festojmë Ditën e Shën Llazarit

Tradita e daullexhinjve ose ndryshe kush i zgjon myslimanët gjatë Ramazanit