“Lini fëmijët dhe mos i pengoni të vijnë tek Unë...” – ato fjalë të Jisu Krishtit (Matej 19:14) janë motoja e Festivalit dyditor Fëmijëror i Këngëve Kishtare. Organizator është Fondacioni “Darbi” në bashkëpunim me udhëheqjen e kishës “Shën Martire Paraskeva” – një nga kishat më të mëdha dhe më të bukura në kryeqytet. “Jo vetëm fëmijët por tërë shoqëria duhet të kthehet te vlerat e krishtere, ndërsa muzika është rruga më e shkurtër te zemrat dhe shpirtrat e njerëzve” – është e bindur zonja Bistra Ilieva, drejtoreshë e Fondacionit dhe iniciatore e festivalit.
Kori i Fëmijëve pranë Radios Kombëtare Bullgare me dirigjente Venecija Karamanova kishte koncert më 7 maj në kuadrin e festivalit. Ai u mbajt në Aulën e Universitetit të Sofjes “Shën Klimenti i Ohrid”. Para kësaj të pranishmit asistuan në një nga nismat e reja të festivalit i kushtuar këndimit koral. Më shumë hollësi sjell zonja Karamanova:
“Kori i fëmijëve pranë radios herën e tretë mori pjesë në Festivalin “Hosanna në qiell”. Deri tashti ishim ndër pjesëmarrësit e rregullt të cilët prezantoheshin në kishën “Shën Paraskeva” aty ku hapet festivali. Është e mrekullueshme që në vet kishë fëmijët të interpretojnë këngë liturgjike. Është me rëndësi që muzika e shenjtë të interpretohet në vende të shenjta. Në këtë kuptim veprimtaria e fondacionit “Darbi” e cila organizon festivalin është shumë e rëndësishme për mbarë shoqërinë. Veprimtaria nuk ka karakter konkurrimi dhe në të mund të merr pjesë secili – si fëmijë nga kopshtet ashtu edhe këngëtarë nga grupe të afirmuar. Sivjet fondacioni realizoi disa nisma të reja. Ndër ta ishte njohja e pjesëmarrësve me disa prej kishave kryesore të kryeqytetit. Për herë të parë në Universitetin e Sofjes u mbajt një leksion u kushtuar kërkesave ndaj interpretuesve të muzikës ortodokse. Kisha ka një kanun dhe është me rëndësi të dihet cilat janë kërkesat ndaj interpretimit të këngëve ortodokse.”
Përgatiti në shqip: Svetllana Dimitrova
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..