Incizime, koncerte, detyra krijuese të karakterit të ndryshëm... Prof. Borisllava Taneva mban tërë këtë “barrë profesionale” prej vitesh. Gjatë muajve të fundit lajmet rreth saj janë aq shumë, se bile nuk do të mund t’i përmendim të gjitha. Në fund të vitit 2015 radioja “Klasik FM” për kontributin e saj të tërësishëm si pedagoge e dekoroi me çmimin “Lira e kristaltë”. Për veprimtarinë e saj aktive krijuese ishte dalluar nga klasifikimi i transmetimit “Alegro Vivaçe” të programit “Horizont” pranë Radios Kombëtare Bullgare – “Muzikant i vitit”. Para disa ditëve ishte koncerti i studentëve të saj, që kanë fituar çmime në konkurse ndërkombëtare klavire gjatë këtij viti shkollor. Vetë ajo jep koncerte, zhvillon dhe një numër të madh klasa mjeshtërore në vendin tonë dhe jashtë shtetit, ndërsa pas ditëve të numëruara do të jetë takimi i saj me studentë në Gjenevë, ku prej vitesh jep mësimdhënie. Para pak kohe prof. Taneva u bë Zëv/rektore e Akademisë Kombëtare Muzikore. Gjeti kohe edhe për të bërë incizime në studion e Radios Kombëtare.

Si gërsheton aktivitetet e ndryshme si muzikante, cilat prej çmimeve janë më të rëndësishme për të na shpjegon vetë Borisllava Taneva: “Ndoshta për mua më i rëndësishëm është Çmimi i madh në Torneo Internazionale di Musica në vitin 1998, ku u paraqitëm si duet me Ilija Çernaevin. Ndër 3800 pjesëmarrësit në të gjitha kategoritë, ne fituam vlerësimin më të lartë të jurisë dhe të publikut, ishim fituesit absolutë. Vlerësoj shumë çmimet që kam fituar për kompozimet e mia për fëmijë. Mendoj, se ato janë të çmueshme për mua – pjesët klavire, muzika për teatrin e kukullave, këngët, të cilat grupi i fëmijëve “Bonbon” interpreton prej vitesh. Për veprimtarinë time aktive krijuese isha dalluar nga “Muzikant i vitit”. Për mua ky është një nderim i madh. Gjatë viteve të fundit përpiqem të bashkojë njerëz të ndryshëm rreth një ideje. Si pedagoge synoj të sigurojë skenë për studentët e mi të talentuar. Kam projekte lidhur me krijimin e muzikës bashkëkohore. Njeri prej tyre quhet “Mikrokozmos” – ky është një program koncertal, në të cilin ekzekutoj 60 vepra brenda një minute të kolegëve të mi të mbarë botës. Ishte prezantuar në Luksemburg, Gjenevë, Sofje. Me idenë tim u krijua një asociacion në Gjenevë për marrëdhënie kulturore bullgare-zvicerane. Ideja është të ofrohet mundësia muzikantëve të rinj bullgarë të interpretojnë në Zvicër, si dhe bashkëmoshatarëve të tyre zviceranë – në vendin tonë. Kemi bashkëpunim të mirë me Filarmoninë në qytetin Vidin. Sivjet për herë të dytë mbërrijnë studentët zviceranë të cilët do të interpretojnë si solistë të kësaj orkestre.”

Ndër kauzat, të cilat prof. Taneva mbështet prej vitesh është popullarizimi i shkollës së kompozitorëve bullgarë nëpër botë.

“Jap koncerte para së gjithësh jashtë shtetit. Njeri prej programeve përfshin vetëm muzikë bullgare – rreth 15 vepra, që prezantojnë gjenerata të ndryshme krijuese. Ndër autorët janë Panço Vladigerovi, Marin Goleminovi, Dimitër Nenovi, Ljubomir Pipkovi, Julija Cenova...Njëra prej pjesëve është e Aleksandër Tanevit (e babait tim). Interpretoj dhe xhaz pjesë të Hristo Jocovit. Kur më ftojnë për koncert, unë propozoi 3-4 variantet e mia për program. Jam shumë e lumtur, se më shpesh zgjedhin programin  me veprat bullgare. Me këtë projekt dua  të vërtetoj, se të gjitha proceset që janë zhvilluar në historinë muzikore të botës nga dekadat e para të shekullit të XX, janë zhvilluar edhe tek ne. Këtë program me sukses të madh e kam ekzekutuar në tërë Evropën.”

Përgatiti në shqip: Sofia Popova