Edicioni i 19-të i Festivalit Xhaz në Bansko fillon më 6 gusht. Tetë ditë të tërë me radhë në pushimoren malore do të dëgjohet muzika xhaz dhe pop në interpretim të 28 grupeve gjithsejtë. Ndër emrat e njohura janë Jordanka Hristova dhe Big Benda e qytetit Bllagoevgrad, të cilët do të hapin festivalin ditën e shtune. Adhuruesit e këngëtarit bullgar Vasill Petrov do të dëgjojnë interpretimet e tij më 7 gusht bashkë me trion e pianistit xhaz Stanisllav Abaxhiev.
Siç njoftojnë organizatorët për herë të parë ftuan muzikantë kinezë të xhazit. Ky është grupi “Goldën Buda Xhaz Bend”. Në programin shoqërues për herë të parë parashikohet të ketë edhe “Xhaz për fëmijë”. Ndër pedagogët është profesoresha Stefka Onikjan. Publiku do të ketë mundësi të dëgjojë edhe studentët e saj nga Akademia Kombëtare Muzikore, specialiteti pop dhe xhaz. Koncerti i tyre është më 8 gusht dhe titullohet “Mjuzikëlli në xhaz”.
Më 10 gusht është koncerti i trios Sajrës Çestnët – piano, Bëster Uiljams – bas dhe Leni Uajit – bateri. Ekzekutimet e trios janë një nga theksat e festivalit. Ylli i sivjetshëm i Festivalit Xhos Stoun do të këndojë për publikun mbrëmjen e fundit. Ajo lindi në Britaninë e Madhe dhe që në moshën 14 vjeçare pushtoi publikun dhe jurinë në programin për talente të rrjetit Bi Bi Si “Yll për një natë”. Pak më vonë ajo nisi për në SHBA-në, ku incizoi albumin e parë. Pjesëmarrja në Festivalin Xhaz në Bansko është pjesë e turneut të saj botëror, që filloi në vitin 2014.
Përgatiti në shqip: Svetllana Dimitrova
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë me raste dhe në ditë pa raste, dhe atëherë gjithmonë këndohej" - ja çfarë na tregon Dimitër..
Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është autor i mbi 500 veprave - opereta, tanga, hite, muzikë për filma, me të cilat me dekada ka..
Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah titullarëve DEEP PURPLE, MR. BIG dhe ACCEPT do të kenë shfaqje akoma 13 grupe nga jashtë, duke përfshirë..