Mbajtësi i parë i çmimit për kontribut në kulturën bullgare gjatë sezonit të kaluar, u bë Ansambli i Muzikës së Dhomës “Sofijski Solisti” me dirigjent Pllamen Xhurov. Ceremonia e dekorimit u mbajt në Kjustendill – qytetin e lindjes së kompozitorit bullgar Marin Goleminov. Në Galerinë e Arteve Figurative “Vlladimir Dimitrov – Mjeshtri”, ku ishte ceremonia Ansambli dha një koncert. Krahas çmimit të madh me emrin e kompozitorit Marin Goleminov u caktua edhe dallimi shoqërues “Kuarteti i Artë”. Këtë çmim e mori “Kvarto kvartet”.

“Pas një diskutimi të gjithë ishin unanim, se pikërisht Ansambli i Muzikës së Dhomës “Sofijski Solisti” duhet të marrë çmimin. Të gjithë pjesëmarrësit në juri ishin unanim për sukseset e tyre. Pak parase të vdesë kur ishte në Portugali gjyshi kompozoi një vepër për orkestrën me tela dhe për kor femrash, premierën e së cilës para pak kohe e realizoi pikërisht ky ansambël. Krahas kësaj kjo orkestër në kuadrin e programit gjatë këtij sezoni përfshiu shumë vepra të pa ekzekutuara të gjyshit. Të mos harrojmë edhe faktin, se vitet e para pas formimit të ansamblit, Marin Goleminovi ishte dirigjent i tij. Profesori Pllamen Xhurov ishte nxënës i kompozimit të gjyshit. Shoqata “Marin Goleminov” që u krijua në Kjustendill pas vdekjes së kompozitorit, organizoi tërë ceremoninë. Çmimet në të holla u siguruan nga bashkia dhe nga një firmë vendore. Ideja është, që dallimi të jepet çdo vit.”

Për dekoratën e lartë profesori Pllamen Xhurov rrëfen: “Të bëhesh mbajtës i Çmimit të parë kombëtar “Marin Goelinov” padyshim është një fakt, që mbahet mend tërë jetën. Kaluan shumë vite, që kur disa herë në javë takohesha me profesorin Goleminov. Mirëpo, akoma nuk mund të them, çfarë kishte rëndësi më të madhe për mua – këshillat konkrete profesionale ose prania e tij. Ai nuk fliste shumë. Shpesh herë shfrytëzonte sentenca, mendime të tij të shkurtra ose proverba bullgare. E gjithë kjo ngulte në ndërgjegjen time dhe papritmas fillova t’i bëjë vetes pyetje. Më mungojnë ato sentenca të tij. Edhe më sot vazhdoj të zbulojë muzikën e tij, aftësinë e tij të përqendrojë idenë e kompozimit në një formulë muzikore...”

Ndër miqtë zyrtarë të ceremonisë ishte edhe profesoresha Natasha Japova nga Akademia Kombëtare Muzikore. Ajo është një shkencëtare e respektuar dhe pedagoge e historisë së muzikës. Për kompozitorin ajo rrëfen:

“Marin Goleminovi është ajo figurë e relievtë në muzikën bullgare, e cila afirmoi gjininë e muzikës së dhomës nëpërmjet mënyrës së mendimit të tij muzikor. Do të kujtoj, se ky tip i muzikës është muzikë për vet tingullin, muzikë për dëgjim dhe kompozim. Ajo vjen nga tradita të ekzekutohet në dhomën e pallatit për muzikë, ku aristokratët mblidheshin, që të komunikonin nëpërmjet këtij arti. Tek ne tradita të tilla nuk kishte. Vetëm gjashtë dekada pasi Bullgarisë u bë një shtet i pavarur dhe hodhi themelet e kulturës së vet, Marin Goleminovi afirmoi gjininë e muzikës së dhomës nëpërmjet krijimtarisë së tij.”

Përgatiti në shqip: Svetllana Dimitrova