Momenti politik në Bullgari është lidhur me përpjekje të mëdha dhe kontradiktore. Ato kanë të bëjnë me ndërrimin e qeverisë në dorëheqje, me ndërrimin e presidentëve të Republikës dhe me mundësinë e zhvillimit të zgjedhjeve parlamentare para afatit. Në këto rrethana veprimtaria e institucioneve është vështirësuar, kurse në disa raste ajo është kufizuar. Mirëpo, kjo nuk u përket përpjekjeve për prevencë të terrorizmit dhe për luftimin e kësaj dukurie.
Dje Parlamenti miratoi përfundimisht ndryshimet në Ligjin për Luftim të Terrorizmit. Për këtë akt ligjvënës flitej që prej kohe, por përpjekjet pengoheshin për shkaqe të ndryshme. Varianti, i cili u miratua përfundimisht nga Parlamenti, u përket operacioneve antiterroriste dhe shpalljes së gjendjes së jashtëzakonshme. Mediat detyrohen të transmetojnë menjëherë dhe pa ndryshime informacionin e shërbimeve dhe ky informacion nuk duhet të përmbajë të dhëna për taktikën e operacioneve dhe për pjesëmarrësit në to. Agjencia Shtetërore “Siguria Kombëtare” do të mund të zhvillojë arreste në disa raste të veçanta. Me disa ndryshime edhe në Ligjin për Mjetet e Posaçme Hetimore u saktësua aplikimi i tyre në rastet e terrorizmit me lejen e posaçme të Gjykatës së Specializuar Penale. Prerogativa për arrest tashmë kanë edhe ushtarakët.
Politikanët nga hapësira e djathtë bënë të ditur se janë kundër këtyre ndryshimeve, duke u argumentuar se ato i japin Agjencisë së Sigurisë Kombëtare funksione të jashtëzakonshme policore, kurse nga hapësira e majtë shpallën se ato e hapin gjerë derën për dëgjim. Kritika të tilla tashmë kemi dëgjuar gjatë përgatitjes së Ligjit për Kufizimin e Papranueshëm të të Drejtave të Qytetarëve. Mirëpo, e kemi dëgjuar edhe përgjigjen, se kufizime të tilla janë të lejueshme në kushte të veçanta, sepse janë në dobi të sigurisë. Këto ditët e fundit u bë e qartë gjithashtu se mungesa e stabilitetit nuk e vë nën dyshim edhe nënshkrimin e marrëveshjes për akses të Bullgarisë tek informacioni amerikan për migrantët me profil të rrezikshëm. Në një intervistë për Radion Kombëtare Bullgare zëvendëssekretari i sigurisë së brendshme të SHBA-së Alën Bërsin, i cili erdhi për një vizitë në Bullgari, komentoi se madje gjatë janarit të ndërrohet administrata shtetërore, nëpunësit, të cilët punojnë për përgatitjen e dokumentit, do të mbeten, sepse ka procese mes dy vendeve, të cilat nuk varen nga ndryshimet në politikën e brendshme.
Nuk ka ndryshim edhe në qëllimet e Sofjes për të filluar ekstradimin e migrantëve ilegalë afganë, duke filluar nga ata, të cilët morën pjesë në trazirat në qendrën e refugjatëve në Harmanli të Bullgarisë Jugore para pak kohe. Gjatë javës për në Kabul fluturoi grupi i parë prej 140 personash të tillë, kurse ekstradimi i akoma 200 migrantëve do të realizohet në kuadrin e disa ditëve të afërta. Krahas Bullgarisë Gjermania gjithashtu ekstradoi një grup afganësh dhe kjo do të thotë se qëndrimi i fortë ndaj migrantëve të rrezikshëm nuk i përket vetëm Bullgarisë. Kjo jep arsye me të vërtetë të presim vazhdimin e procesit pa ndërprerje, megjithë momentet e presionit në fushën e politikës së brendshme.
Përgatiti në shqip: Vesella Mançeva
Në Sozopoll, ku sot mori pjesë në ceremoninë solemne para Monumentit të Apostullit të Lirisë Vasill Levski, me rastin e 187-vjetorit të lindjes së tij , nënpresidentja Ilijana Jotova shprehu shpresën për formimin e një qeverie me të tretin..
Forcat politike të përfaqësuara në parlament kanë reaguar me një dozë të fortë skepticizmi ndaj propozimit ekscentrik të "Po e vazhdojmë ndryshimin - Bullgaria Demokratike" (PP-DB) që presidenti Rumen Radev të shtyjë për 3 muaj dorëzimin e mandatit..
Shkupi dëshiron të tërheqë mallra nga Evropa drejt Selanikut përmes një linje të re hekurudhore Ndërtimi i linjës hekurudhore përgjatë Korridorit 10 është prioritet për Maqedoninë e Veriut, tha ministri maqedonas i Transportit Aleksandër..
Nëse zgjedhjet parlamentare do të mbaheshin më 1 gusht, GERB-SDS do të ishte forca e parë politike, sipas një sondazhi të “Market LINKS”. GERB - SDS..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha..