Qytеti i bukur Aprillci, i cili gjendet në zemrën e Ballkanit të Mesëm për herë të gjashtëmbëdhjetë me radhë u bë mikpritës i “Tubimit Ballkanik të Këngës Bullgare”. Në kuadrin e aktivitetit zhvillohet një konkurs në tri kategori dhe dy grupe moshe. Organizatori është vatra kulturore “Bëdeshte - 1894” /“E ardhmja – 1894”/, kurse ditët e zhvillimit janë gjithmonë rreth 24 qershorit, kur shënojmë një festë të madhe folklorike, kushtuar bimëve mjekësore. Çmimin e madh sivjet e morën grupet e amatorëve dhe solistët e vatrës së leximit “Nadezhda – 1925” /”Shpesa – 1925”/ në fshatin Turkinça të bashkisë së Drjanovos. Udhëheqësi i tyre është Mitko Dimitrov.
Gjatë vitit 2016 shënuam 90 vjetorin e lindjes së Magdalena Morarovës. Interpretuesja e këngës së njohur popullore bullgare “O Petruno, o vajzë e bukur” ka lindur në Bansko. Në fondin e Radios Kombëtare Bullgare janë ruajtur një numër i madh këngësh origjinale nga vendi i saj i lindjes. Ndër ta ishin “Rreth Plevenit”, “A janë rrush sytë e tu?”, “Po rrjedh ujë i ftohtë”, “Është ulur Xhore Dos”. Dekada me radhë këngëtarja ka dhënë koncerte në Bullgari, bashkë me emrat më të njohur të asaj kohe – Boris Mashallov, Ivan Panovski etj.
Një prej formacioneve të para të dhomës në fushën e folklorit është kuarteti vokal i femrave “Sllavej” /“Bilbili”/. Ai është themeluar gjatë vitit 1991 nga Nadka Karaxhova, bashkë me bijën e saj Svetlla Karaxhova, me Stojana Llallovën dhe Liljana Galevskën. Arti i kuartetit “Sllavej” është i njohur në mbarë Evropën, si dhe në shumë vende në kontinente të ndryshme. Krahas Svetllës dhe Liljanës, sot në formacion ka gjithashtu dy këngëtare të reja – Kristina Karamfillova dhe Vanja Vakari, kurse veprimtaria aktive e koncerteve po vazhdon.
Festivali folklorik ndërkombëtar “Pluhuri i artë” është ndër forumet më të reja te ne. Ai zhvillohet në Çellopeç – një fshat jo i madh rreth 100 km larg kryeqytetit. Edicioni i tretë paraqiti grupe folklorike nga Rusia, Gjeorgjia, Argjentina, Spanja, Serbia. Në kuadrin e festivalit u zhvillua për herë të dytë edhe një konkurs kombëtar për grupe dhe solistë folklorikë. Pjesëmarrësit ishin kryesisht nga Krahina Folklorike e Rodopeve. Sipas rregullores jepen dy çmime të mëdha – për grupin më të mirë koreografik dhe për kolektivin më të mirë të këngëtarëve. U dekoruan Ansambli Koreografik Folklorik “Sofja 6” pranë vatrës kulturore “Vitosha 1951” në qytetin e Sofjes dhe Ansamblin Folklorik “Gornopollska Pesen” /“Kënga e Gorno Poles”/ pranë vatrës kulturore “Probuda 1923” /”Zgjimi 1923”/ , fshati Ovçarci, krahina Kjustendill.
Gjatë vitit 2016 aktivitetet e Orkestrës për Muzikë Popullore pranë Radios Kombëtare Bullgare përsëri grumbulluan një numër të madh dëgjuesish në studion e parë të medias sonë. Gjatë disa viteve të fundit orkestra me dirigjent Dimitër Hristov u propozon adhuruesve të saj seri interesante koncertesh. Ndër to janë “Ritmi i Ballkanit”, “Klasikët e muzikës dasmore bullgare”, “Pikturat vokale – instrumentale”, “Muzika në portrete”... Ato paraqitin shtresa të ndryshme të folklorit tonë, lidhjet e muzikës sonë tradicionale me kultura të tjera kombëtare, si dhe të gjithë brezat dhe instrumentistët në gjini.
Në fund të vitit 2016 në Smoljan dhe Sofje u shënua përvjetori i 90 i lindjes së Radka Kushlevës. Me iniciativë të Konstantin Llazarovit – themeluesi dhe organizatori i “Çmimeve Vjetore Folklorike” në Muzeun Etnografik pranë Akademisë Bullgare të Shkencave u hap një ekspozitë, kushtuar këngëtares së madhe popullore të Rodopeve. Juria profesionale e edicionit të tretë të “Çmimeve folklorike vjetore” dorëzoi çmime në fusha të ndryshme të folklorit, që mbajnë emrin e këngëtares së njohur.
Përgatiti në shqip: Vesella Mançeva
Nga sot deri më 30 gusht në bregun bullgar të Detit të Zi në Nesebër , Sllënçev Brjag dhe Sveti Vllas do të mbahet Kampionati i XIV Botëror Folklorik “World Folk 2024”. Fillimi është sonte në Amfiteatrin “Zhana Çimbuleva” në..
Këngët dhe vallet popullore mbledhin dashamirët e folklorit bullgar në edicionin e radhës të Festivalit të Kostumeve Popullore në Zheravna. Këtë vit aktiviteti do të zhvillohet nga 23 deri më 25 gusht. "Pasi visheni me kostumet popullore dhe..
Holandezja Ester Willems vazhdon të tërheqë njerëz nga qytete dhe kombësi të ndryshme në klubin e saj për vallet popullore bullgare, i krijuar në Hagë dhe i quajtur "Zora". Klubi u themelua në vitin 2017 dhe në të u regjistruan edhe atëherë 13..