Evgenija Radosllavova është një ekzekutuese e cila jep koncerte të shumta. Bullgaria, Gjermania, Hungaria, Tunizia, Izraeli janë vetëm një pjesë prej vendeve, në të cilat doli në skenë si soliste ose si pjesë e formacioneve të ndryshme të muzikës së dhomës. Lindi në Bullgari, por prej dekadash jeton në Vjenë të Austrisë. Aty u diplomua master në Universitetin e Muzikës dhe Arteve të Bukura, në të cilin aktualisht është pedagoge.
Programi i albumit “Fantastija” u prezantua në vende të ndryshme të Evropës dhe kudo u mirëprit nga specialistët dhe adhuruesit e muzikës. Evgenija Radosllavova sjell më shumë hollësi për veprat në të:
“Incizuam vepra soprano dhe alt saksofon, të cilat janë premiera si për Austrinë, ashtu edhe për Evropën. Disa prej pjesëve nuk janë të incizuara deri tashti për saksofon dhe piano. Për shembull sonata e njohur për oboe dhe piano të Pulenkut, të cilën e përpunuam për soprano saksofon. Disku përmban edhe vepra, origjinali i të cilave është i kompozuar për saksofon. Për shembull Rapsodia e kompozitorit Klod Debjusi. Ajo ka një historik shumë interesant. Kompozitori e krijoi me porosi të saksofonistes amerikane Elis Bajer Hall. Për arsye shëndetësore ajo kishte mundësi të kufizuara muzikore dhe Debjusi e morri në konsideratë këtë duke kompozuat partinë e solos. Më vonë kompozitorë të ndryshëm bënin përpunime të kësaj vepre dhe secili shtonte diçka në partinë e saksofonit. Në variantin, të cilin e zgjodhëm ka fragmente shumë të vështira për ekzekutim dhe prandaj shumë rrallë incizohet. Po këtë mund të thuhet edhe për Fantazinë e kompozitorit Hektor Villa Llobos. Ky kompakt-disk u mirëprit si nga publiku, ashtu edhe nga kritika. Koncertet e premierës në Austri ishin shumë të suksesshme. Po këtë program e paraqitëm edhe në Gjermani, Sllovaki, Itali, Rusi. Në Bullgaria dhamë koncerte në kuadrin e Sallonit të Arteve dhe në Festivalin Ndërkombëtar “Apolonja” vjet. Koncerti i parë i duos sonë ishte në vitin 2014, kur e formuam.”
Përveç në Universitetin e Muzikës në Vjenë Evgenija Radosllavova ka edhe klasa të pianos në shkolla të ndryshme muzikore. Lidhur me këtë ajo shpjegon:
“Kam nxënës në mosha dhe nivele të ndryshme. Më interesante është me më të moshuarit, të cilët bëjnë hapat e parë. Kam nxënës pensionist. Disa prej tyre punojnë me ngazëllim të madh dhe me dëshirë të etshme. Puna me këta njerëz edhe një herë vërtetoj bindjen time, se me këmbëngulje dhe frymëzim gjithçka mund të arrihet. Për këta njerëz dhe për nxënësit më të vogël në moshë incizova vargun “Piano, piano”, e cila u mirëprit në Gjermani. Në po këtë seri hyri edhe programi im i përbashkët me flautistin Matias Shulc – gjithashtu vepra të shkurtra dhe të lehta për ekzekutim.”
Përsa iu përket angazhimeve krijuese gjatë vitit 2017 Evgenija Radosllavova dhe Mihaell Kren kanë ftesa për koncerte në Ukrainë, Rusi, Çeki, Portugali.
Përgatiti në shqip: Svetllana Dimitrova
Në vitin 2024, Shtëpia e Kulturës e Institutit Kulturor Komunal "Sredec" në Sofje feston 50 vjet nga themelimi i saj - rast që stafi i Shtëpisë po e shënon me një sërë ngjarjesh. Ndër to është edhe koncerti i Korit të Dhomës të Sofjes “Vasill..
Një version i ri dhe tejet emocionues i këngës së tyre legjendare “Përrallë” do të prezantohet nga muzikantët e grupit P.I.F. Emra ikonë nga estrada bullgare janë ndër këngëtarët që marrin pjesë në incizimin e ri. Kështu, në vend të zërit të..
Kur një person zbulon talentin brenda vetes, asgjë nuk mund ta ndalojë atë të zhvillohet dhe të ndjekë rrugën e ëndrrave të tij. Dhuntinë e të kënduarit dhe të interpretuarit në skenë e ka këngëtarja e re Viktoria Asenova. Ajo filloi të merret me..
Një version i ri dhe tejet emocionues i këngës së tyre legjendare “Përrallë” do të prezantohet nga muzikantët e grupit P.I.F. Emra ikonë nga estrada..
Në vitin 2024, Shtëpia e Kulturës e Institutit Kulturor Komunal "Sredec" në Sofje feston 50 vjet nga themelimi i saj - rast që stafi i Shtëpisë po e..