Radioja Kombëtare Bullgare © 2021 Të gjitha të drejtat janë të rezervuara

Remisioni i lajmeve – shtëpia e lajmeve të mira

БНР Новини

Gjendja e mjedisit mediatik tek ne shtron gjithnjë e më shumë pikëpyetje. Prona dhe interesat e paqarta, të cilave u shërbejnë jo pak media, minon besimin e njerëzve në to. Prandaj fushata “Remisioni i lajmeve” vjen si përgjigje të shumicës së rasteve të pasqyrimit të pahijshëm ose manipulues të lajmeve dhe fateve njerëzore. Pikërisht me lajme të tilla është plot eteri. Ideja iu përket një grup të rinjsh.

Më shumë hollësi sjell iniciatori Venelin Dobrev:

Qëllimi ynë janë njerëzit më mirë të informuar. Ata, të cilët nuk pajtohen me këtë, të cilën prezantojnë mediat dhe janë gati të ndërrojnë stacionin ose kanalin, kur janë të pakënaqur nga atë të cilën e dëgjojnë. Është me rëndësi të theksoj, se nuk bëhet fjalë për pasqyrimin e ngjarjeve negative, por më tepër për mënyrën, në të cilën ato paraqiten. Kur ndodhi tragjedia në Hitrino dëgjova dy reportazhe – në njërin korrespondenti refuzoi të shkojë të bisedojë me njerëzit, ndërsa në tjetrin korrespondenti duke pyetur njerëzit i shqetësonte. Dëshirojmë, që kur njerëzit dëgjojnë një informacion të tillë të ndërrojnë kanalin ose stacionin. Dhe në se do të bëjnë këtë një numër më të madh njerëzish, atëherë mediat do të ndryshojnë politikën e tyre. Reporterët janë njerëz, rroga e të cilëve varet nga rejtingu. Dhe kur njerëzit nuk kërkojnë mënyrën sensacionale të prezantimit të informacionit, atëherë lajmet do të ndryshohen. Kur kërkimi do të ndryshohet, atëherë edhe ofertat do të ndryshohen gjithashtu.

Fushata nisi në gusht të vitit të kaluar me apel ndaj të gjitha mediave të transmetojnë një emision me lajme pozitive. Sot, tetë muaj më vonë, një nga televizionet kryesore informative tek ne mirëpriti këtë apel dhe çdo javë do të ketë një emision të tillë. Tani priten që edhe media të tjera të përqafojnë këtë ide.

Për të qenë i informuar mirë njeriu nuk është e domosdoshme të ketë përgatitje speciale. Është e domosdoshme të dallojë lajmet me më shumë rëndësi. Informacionet sensacionale nuk duhet të largojnë vëmendjen e njerëzve nga temat kryesore dhe me rëndësi. Mediat gjithnjë e më shumë harrojnë funksionet e tyre kryesore – të informojnë shoqërinë saktë dhe në mënyrë të paanshme. Ata më tepër dëshirojnë të argëtojnë publikun dhe kjo konsiderohet një gjë normale dhe gjithnjë e më pak bënë përshtypje. Duke zëvendësuar problemet e së përditshmes, me telashet e heroit të radhës nga realiteti mediat largojnë vëmendjen e njerëzve nga kryesorja. Kështu problemet nuk hiqen por shumëzohen. Është e domosdoshme të ketë më shumë lajme pozitive dhe shembuj të mirë në emisionet dhe në hapësirën internet. Në këtë mënyrë mediat do të arrijnë të rikthejnë të paktën një pjesë prej besimit të humbur.

Përgatiti në shqip: Svetllana Dimitrova

Fotografi: arkiv personal

Më shumë nga rubrika

Komiteti Bullgar i Helsinkit: Viti 2020 hodhi sfida serioze ndaj të drejtave të njeriut në Bullgari

Viti pandemik 2020 tregoi se sa e rëndësishme është vendosja e bilancit të saktë midis kufizimeve të të drejtave të shtetasve dhe mbrojtjen e shëndetit të popullsisë. Ishim dëshmitarë të mbylljes së shteteve, të pamundësisë për udhëtime dhe kalimin e..

botuar më 21-05-13 2.07.MD
Prof. Hristo Bonxhollov

Për herë të parë që nga viti 1944 do të ketë një universitet bullgar në Maqedoninë е Veriut

Universiteti “Shenjtor Kirill dhe Metodij” në Veliko Tarnovo është universiteti i parë bullgar që do të hapë një filial të vet në Maqedoninë e Veriut. Negociatat për të arritur këtë vazhduan tre vjet. Rektori i universitetit, Prof. Hristo..

botuar më 21-05-13 1.03.MD

Myslimanët në Bullgari festojnë Ramazan Bajramin

Bullgarët me fe myslimane shënojnë Ramazan Bajramin. Me festën e cila vazhdon tri ditë – 13, 14, 15 maj, shënohet fundi i muajit të faljes Ramazan – kohë në të cilën myslimanët agjërojnë 30 ditë. Ramazan Bajrami fillon me lutjen – Bajram Namaz gjë pas së..

botuar më 21-05-13 10.39.PD