Deri në vitin 2019 në Sofje duhet të ketë përafërsisht 150 – 200 kilometra korsi biçikletash – këtë e planifikon Bashkia e Kryeqytetit. Vallë, a mund të realizohet ky projekt në kushtet e mjedisit ekzistues urban? Cilat janë hallkat e dobëta në infrastrukturën e tanishme për biçikleta? Si të stimulohen qytetarët të përdorin biçikleta? Mbi ato çështje kërkojmë qëndrimin e arkitektes Petja Petrova nga Shoqata “Veloevoljucija” – evolucioni i ecjes me biçikleta.
“Në radhë të parë, infrastrukturës së tanishme i mungon mirëmbajtja. Ajo pothuajse nuk ekziston në udhëkryqet, megjithëqë ato janë një nga vendet më të rrezikshme për çiklistët. Pikërisht aty ata kanë nevojë për mbrojtje dhe për qartësi nga ku mund të kalojnë – është kategorike arkitektja Petrova. – Një mangësi tjetër është se korsitë e biçikletave janë shumë të ngushta. Është mirë, se nga tetori i vitit të kaluar Ministria e Zhvillimi Rajonal dhe Punëve Publike në aktet normative parashikon korsi më të gjëra për biçikletat.”
Sipas ndryshimeve do të ketë zona për lëvizje të ndarë midis këmbësorëve, çiklistëve dhe automobilave. Në ato zona nuk do të lejohet një shpejtësi më të madhe se sa 30 kilometra në orë. Kudo ku ka mundësi, trasetë e biçikletave do të formohen si korsi me vete për biçikleta, të ndara nga lëvizja e automobilave. Korsi të veçuara për biçikleta projektohen edhe në vendet, ku trasetë e biçikletave nuk përputhen me rrugët, pra siç janë parqet dhe lulishtet.
Rekomandohet formimi i zonave të këmbësorëve me ndalim të pjesshëm të ngasjes së biçikletave, ashtu siç është në shumë qytete evropianoperëndimore.
“Në zonat e banimit, vendosja e një trafiku më të qetë me kufizim të shpejtësisë deri në 30 kilometra në orë do të garantojë sigurinë e këmbësorëve”, mendojnë nga organizata joqeveritare.
Sipas të dhënave nga viti 2010, çiklistët përbëjnë afro 1 për qind prej të gjithë pjesëmarrësve të lëvizjes rrugore. Qëllimi i Bashkisë së Kryeqytetit, është që deri në vitin 2019 kjo përqindja të trefishohet. Vallë, a janë realiste shpresa të tilla, shpjegon arkitektja Petrova:
“Ky është një hap i madh, i cili kërkon një politikë të qëndrueshme. Përveç infrastrukturës me cilësi duhet të mendohen edhe masa të tjera, me të cilat të stimulohen fëmijët dhe të moshuarit të shkojnë në shkollë dhe në punë me biçikletë, të inkurajohen udhëtimet me distanca të shkurta me biçikletë. Masa të tjera të veçanta gjithashtu mund të ndihmojnë rritjen e përqindjes së çiklistëve."
Përgatiti në shqip: Svetllana Dimitrova
Fotografi: velobg.org dhe BGNES
Kryetarja e KE-së, Ursula von der Leyen, u takua me banorët e Plovdivit. Vizita, e cila u zhvillua të dielën në Teatrin Antik në qytet, është pjesë e turneve në vendet anëtare të BE-së të kandidatëve kryesorë për presidentin e ardhshëm të..
Bullgaria është shtytësi kryesor i integrimit evropian të vendeve të Ballkanit Perëndimor, sepse ne e kuptojmë se sa i rëndësishëm është ky integrim për sigurinë, stabilitetin dhe zhvillimin e qëndrueshëm ekonomik të rajonit. Por ne qëndrojmë fort në..
Në mbarë botën, çrregullimet e spektrit të autizmit po rriten në një progresion gjeometrik. Bullgaria nuk bën përjashtim në këtë drejtim. Dhe nëse më shumë se një dekadë më parë një në 10 000 fëmijë në mbarë botën diagnostikohej me autizëm, sot..
Nxënësit në Ugandë mësojnë të këndojnë këngë bullgare dhe të luajnë vallet tona popullore. Kjo falë Daniell Delibashevit, i cili krijoi një shkollë në..
Në mbarë botën, çrregullimet e spektrit të autizmit po rriten në një progresion gjeometrik. Bullgaria nuk bën përjashtim në këtë drejtim. Dhe nëse..
Bullgaria është shtytësi kryesor i integrimit evropian të vendeve të Ballkanit Perëndimor, sepse ne e kuptojmë se sa i rëndësishëm është ky integrim për..