Zëvendëskryeministrja dhe Ministre e Punëve të Jashtme Ekaterina Zaharieva dhe Ministri i Punëve të Jashtme i Republikës së Maqedonisë Nikola Dimitrov do të nënshkruajnë nesër Protokollin për këmbimin e dokumenteve të ratifikimit , me të cilat hyn në fuqi Traktati i Miqësisë, Fqinjësisë së Mirë dhe Bashkëpunimit midis Republikës së Bullgarisë dhe Republikës së Maqedonisë. Traktati u nënshkrua më 1 gusht të vitit të kaluar nga kryeministrat e dy vendeve tona Bojko Borisov dhe Zoran Zaev, kurse në fillim të këtij viti ai u ratifikua nga parlamentet e Bullgarisë dhe Maqedonisë. Me nënshkrimin e Protokollit për këmbimin e dokumenteve të ratifikimit do të mbarojë krejtësisht procedura e hyrjes së tij në fuqi.