Muzikantët më të vegjël në “Shtëpinë e vjetër”, siç është e njohur Radioja Kombëtare Bullgare, na ftojnë në një koncert të larmishëm më 23 prill, në Studion numër një të radios. Pjesa më e madhe e këngëve, të cilat do ti dëgjojmë, janë të autorëve bashkëkohor bullgarë. “Radiofëmijët” kanë në biografinë e vet disa projekte të muzikës xhaz. Para viteve ata incizuan album me orkestrën “Big Bend” të Radios Kombëtare Bullgare, kur dirigjent i saj ishte Vili Kazasjan.
“Në repertorin tonë gjithmonë kanë marrë pjesë këngët e shkëlqyera të kompozitorëve Krasimir Miletkov, Borisllava Taneva, Vlladimir Xhambazov, Dora Draganova e të tjerë. “Radiofëmijët” pëlqejnë të interpretojnë muzikë, në të cilën ka diçka të lidhur me xhazin – sqaron Ilina Todorova, themeluesja dhe dirigjentja e grupit. Dihet se, Luis Armstrong është i pari që përfshin zërin e fëmijës në një këngë të vet. Kjo u bë në koncertin e tij në Berlin gjatë vitit 1959 në “Ninullën e xhaxha Saçmos”, të cilën ne po kështu e interpretojmë në koncert.
Kompozitorët bullgarë nga gjeneratat e mëparshme po kështu kanë shkruar në krijuar në këtë stil. Do të tingëllojnë krijime të tjerë për fëmijë të kompozitorëve bullgarë Bencion Eliezer, Aleksandër Brëzicov, Kirill Cibullka. Përveç se të bukura, sipas meje ato janë dhe shumë të dobishme. Për shembull këngët e Ljubomir Denevit – “Macja”, “Miza” dhe “Regjimi ditor” janë krijuar kështu, që të mund t’i njohin fëmijët me veçoritë e stileve të xhazit. Do të këndojmë po kështu këngë të kompozitorëve Emill Strunxhev , Todor Jankullov etj.”
Në skenë “Radiofëmijët” do të jenë bashkë me Atanas Haxhievin /saksofon dhe klarinetë/, Atanas Milladinov /piano/ dhe solistët e tjerë të “Big Band”-it të Radios Kombëtare Bullgare, si dhe me një nga muzikantët më të kërkuar modern bullgarë – trombisti Rosen Zahariev-Roko.
Përgatiti në shqip: Nataniela Vasileva
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..