Gjimnastika ritmike është një nga sportet më të vështira, me të cilat një njeri i ri mund të merret, por kjo nuk është pengesë që interesi ndaj tij në Bullgari të jetë jashtëzakonisht i madh. Prezantimi i skuadrës kombëtare në gara të shumta botërore, ndërkombëtare dhe olimpike është në një nivel shumë të lartë, gjë për të cilën dëshmojnë dekoratat e shumta të arta, të argjendta, dhe të bronzta, me të cilat kthehet skuadra kombëtare në shtëpi. Në prag të njërës prej ngjarjeve më të rëndësishme sportive tek ne për vitin - Kampionati Botëror i Gjimnastikës Ritmike, i cili do të zhvillohet midis datave 10 dhe 16 shtator në Sallën e kryeqytetit “Arena Armeec” në Kopshtin e Qytetit të Sofjes, u hap një ekspozitë me foto, kushtuar skuadrës sonë të tanishme prej vajzave “të arta”.
A janë gati ato përsëri, si dhe shumë herë deri tani, të mbrojnë emrin dhe nderin e atdheut përpara botës, pyetëm kryetaren e Federatës Bullgare të Gjimnastikës Artistike Iljana Raeva:
„Mendoj se do të bëhemi dëshmitarë të një kampionati shumë të fortë botëror. Konkurrentët janë shumë të fortë dhe shumë mirë të përgatitur, sepse që të gjithë ata kanë në vetvete një impuls të veçantë i cili vjen nga fakti se vijnë në Bullgari. Vendi ynë nuk ka qenë mikpritës i një Kampionati Botëror prej shumë vjetëve dhe që të gjithë e dinë se gjimnastika artistike tek ne gëzon një nder të veçantë dhe është vënë në një piedestal dhe për çdo një konkurrent do të jetë çështje nderi ta mundë Bullgarinë përpara publikut të saj.“
Forumi sportiv e ka himnin e vet, të krijuar nga grupi “Deep Zone Project” si dhe një video speciale reklamuese, në të cilën merr pjesë gjimnastja Radina Filipova. Ajo është zgjedhur për një talisman të skuadrës personalisht nga Iljana Raeva. Përveç se në video, Radina merr pjesë dhe në një film prej 8 minutave, në të cilin ajo personifikon Sofjen, si dhe bukurinë dhe fuqinë e mbretëreshave bullgare. Ajo do të jetë njëfarë kartëvizite, me të cilën Bullgaria do të prezantohet në hapje. Delegacionet, të cilët mbërrijnë për Kampionatin Botëror në Sofje më 10 shtator, përfshijnë mbi 900 veta prej 54 vendeve.
Sa i përket ekspozitës, e cila vazhdon deri më 5 shtator, kryetarja e Federatës tha akoma se 28 fotografitë e Anna Nedkovës, të përmbushura me bukuri dhe emocion, janë një frymëzim jo vetëm për vajzat, por dhe për të gjithë adhuruesit, të cilët do t'i përkrahin gjatë kohës së Kampionatit. Përveç tyre janë treguar fotografi të Petër Peshevit, të përdorur për një kalendar, i cili do të shpërndahet me qëllim bamirësie. Të ardhurat nga shitja do të shkojnë për përkrahjen e sportit bullgar.
Përgatiti në shqip: Nataniela Vasileva
Foto: fbgr.org dhe BGNES
Raketa e parë e Bullgarisë Grigor Dimitrov u kualifikua në raundin e dytë të US Open. Në paraqitjen e tij të 14-të në turneun Grand Slam në Nju Jork, Dimitrovi i nëntë fitoi ndaj kualifikuesit të 209-të francez në botë Kyrian Jacquet me 6:3, 6:4,..
Tre bullgarë nisen për të marrë pjesë në Lojërat Paraolimpike në Paris 2024, të cilat do të fillojnë më 28 gusht dhe do të vazhdojnë deri më 8 shtator. Sportistët tanë do të përfundojnë pjesëmarrjen e tyre brenda vetëm 2 ditëve – 30 dhe 31 gusht (e..
Qyteti Burgas organizon një mbrëmje spektakolare gala, e cila mbledh dhjetëra kampionë të sporteve luftarake në një vend. Organizata prestigjioze botërore MMA po zhvillon të shtunën më 24 gusht garat nga zinxhiri BRAVE 86, për të cilat vijnë disa..
Paraolimpisti Ruzhdi Ruzhdi fitoi titullin e dytë olimpik në karrierën e tij. Atleti bullgar fitoi një medalje të artë në gjuajtjen e gjyles..