“Nëse fshihemi vetëm pas shtatë medaljeve olimpike, viti ishte super i suksesshëm, i pabesueshëm, i jashtëzakonshëm – thotë gazetari sportiv Kamen Alipiev. – Por në një vend jo aq tolerant, siç po bëhemi kohët e fundit, sot po mbledhim fruta pikërisht nga medalje të fituara nga sportistë, të cilët nuk janë produkt i shkollës bullgare. Të tillë janë dy nga tre medalistët tanë të artë - Semen Novikov dhe Magomed Ramazanov, po ashtu edhe dy fitues të bronzit - ikona e sportit botëror Kimia Alizadeh dhe Javier Ibanez”.

Sportisti i padiskutueshëm i vitit është peshëngritësi Karlos Nasar, i cili fitoi betejat e tij në më shumë se një front, duke konkurruar me një dëmtim të rëndë të shpatullës dhe nevojën për kirurgji.

“Ndoshta do të më duhet të pushoj pak, por mendoj se nuk do të mungoj nëpër gara – deklaroi ai. – Në vitin 2025 do të marr pjesë në një kategori deri në 98 kg, e cila, për mendimin tim, do të jetë shumë e fortë dhe do të kem sfida të reja, rekorde të reja botërore për të thyer dhe konkurrencë të re."

I lindur në Ukrainë, por duke konkurruar për Bullgarinë, Semen Novikov fitoi një medalje të artë olimpike në mundjen klasike.

"Një titull botëror - kështu i përgjigjet shkurt pyetjes se cili është qëllimi i tij i radhës. - Dua të falënderoj Bullgarinë, sepse ndjeva mbështetjen e çdo bullgari dhe gjithashtu t'u them fëmijëve që fillojnë stërvitjen e mundjes të mos dorëzohen pas vështirësive apo humbjeve - gjëja më e rëndësishme është të mos dorëzoheni."

Kampioni olimpik i mundjes së lirë Magomed Ramazanov, i lindur në Republikën Ruse të Dagestanit, nuk konkurroi profesionalisht për tre vjet për shkak të luftës që shpërtheu atje. Megjithatë, trajneri i Veliko Tërnovos, Mirosllav Kolev, e mori në duart e tij dhe së bashku arritën sukses spektakolar në Paris.

"Për ëndrrat e reja kam synim të stërvitem deri në moshën 35-vjeçare - thotë mundësi. - Për sa kohë të jem mirë dhe të kem durim, do ta përmbush qëllimin tim. Ndërkohë do të përpiqem të bëhem kampion evropian dhe kampion bote dhe sërish të fitoj medaljen e artë në Lojërat Olimpike pas 4 vitesh”.

Në Paris, medalistja e argjendtë Boryana Kaleyn tregoi historinë e jetës së saj në gjimnastikë, duke rikrijuar fazat e ndryshme në rutinat e saj dhe tani ajo është gati të marrë një rrugë të re, sepse, sipas fjalëve të saj, pas çdo fundi vjen një fillim i ri. Megjithatë, ajo zotohet se një ditë do të kthehet si trajnere.

“Njeriu jeton dhe merr frymë më i qetë kur ëndrra e tij realizohet – thotë Boryana Kalein. – Ndoshta me kalimin e viteve do të kuptoj se sa njerëz ka prekur arritja ime, loja ime, sepse për mua ishte emocionale në një mënyrë, por për të gjithë të tjerët që më kanë parë - në një mënyrë krejtësisht tjetër, unë gjithashtu e kuptoj se sa shumë fëmijë janë të frymëzuar nga ajo që kanë arritur dhe jam e lumtur që ata tani do të ëndërrojnë akoma me më shumë guxim.

Krahas arritjeve të medalistëve tanë olimpikë, Kamen Alipiev vendos sukseset e Grigor Dimitrov. Ai përfundoi në top 10, iu dha çmimi Stefan Edberg Sportsmanship i ATP-së dhe fitoi një mori vlerësimesh të tjera – duke përfshirë ndeshjen më të mirë të vitit me fitoren e tij ndaj Carlos Alcaraz në Masters 1000 në Miami dhe lojën më mbresëlënëse në turne.

Në vitin 2024, kombëtarja bullgare e volejbollit fitoi titullin evropian për vajza, u vu re prania e garuesve tanë në sportet dimërore, ndërsa Valentina Georgieva pati "arritjet e saj të vogla" në gjimnastikën sportive - sipas Kamen Alipiev, duke u renditur e pesta në finale.

Sipas Kamen Alipiev, qëllimi nuk është fitimi i medaljeve për kilogram, por që kampionët të bëhen figura unifikuese dhe arritjet e tyre të zgjojnë interes ndaj sportit.

“Në këtë mënyrë ndërtohet një kulturë sportive dhe një rikthim drejt gjësë më të rëndësishme – sa më shumë njerëz të merren me sport – thotë ai. – Për momentin sporti bullgar ekziston pavarësisht mungesës së politikës shtetërore, megjithëse nuk ka përpjekje të qëllimshme për të zhvilluar një proces afatgjatë .Ne si shoqëri nuk kemi synime afatgjata dhe kjo vlen edhe për sportin - ne mbështetemi në shpërthime të çastit, siç e pamë në Lojërat Olimpike. Megjithatë, është mirë që kemi pasur një finaliste në kampionatin jozyrtar botëror në tenis për të rinj "Orange Bowl" që është Elizara Janeva, gjithashtu Nikolla Collov i cili mund të bëhet bullgari i parë që garon në Formula 1, Radosllav Jankov që pati një tjetër fitore në Kupën e Botës për snowboard, pra ky vit për nga rezultatet mund të quhet i suksesshëm. "

Në fund të analizës së tij të pamëshirshme, Kamen Alipiev konkludon se nuk duhet të na pushtojë një entuziazëm i furishëm dhe një ndjenjë e madhe krenarie kombëtare për atë që po ndodh në sportin bullgar.

(Janë përdorur pjesë nga intervistat dhe reportazhet e Krëstina Ivanova dhe Zdravka Masljankova)