Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Raporti i radhës i KE-së për Bullgarinë – çfarë është e reja, çfarë është e vjetra dhe sa duhet të emocionohemi për të

БНР Новини
Zëvendëskryeministrja dhe ministrja e punëve të jashtme Ekatrina Zaharieva (në mes), Ministrja e drejtësisë Cecka Caçeva dhe Ministri i punëve të brendshme Mlladen Marinov në brifing në Këshillin e Ministrave në lidhje me raportin e Komisionit Evropian për Mekanizmin e bashkëpunimit dhe Verifikimit.
Foto: BTA

Bullgaria është anëtare e Bashkimit Evropian që nga fillimi i vitit 2007, por akoma mbetet objekt monitorimi nga ana e Komisionit Evropian për sa i përket gjendjes së drejtësisë dhe rendit të brendshëm. Monitorim të tillë po implementohet edhe për Rumaninë. Dy shtetet, pavarësisht se tashmë 11 vjet janë anëtare të bashkimit akoma nuk e kanë justifikuar plotësisht besimin e dhënë atyre paraprakisht. Monitorimi nuk është aplikuar për asnjë shtetet tjetër në BE, as për ato që hynë në BE më vonë. Disa analizatorë e komentojnë këtë si shfaqje e diskriminimit, të tjerë mendojnë se është poshtërim, siç për Bullgarinë dhe Rumaninë, ashtu dhe për vetë BE-në.

Në vitin 2016 flitej se monitorimi i Rumanisë mund të anulohej për shkak të sukseseve të arritura nga ajo atëherë. Por jo për Bullgarinë, treguesit e së cilës atëherë nuk jepnin arsye për pritje pozitive në të ardhmen e afërt. Tani, në vitin 2018 Komisioni është i mendimit se Rumania ka treguar prapambetje në procesin e reformës së gjyqësorit, kurse Bullgaria ka shënuar përparim në lidhje me pavarësinë e pushtetit gjyqësor, kornizën legjislative dhe kriminalitetin e organizuar dhe kontrollimi i shtetit tonë për këto treguese mund të pezullohet përkohësisht. Monitorimi për tre treguesit e tjerë – reforma e gjyqësorit, korrupsioni në pushtet dhe korrupsioni në aspekt më të gjerë, mbetet. Sipas zyKryetarit të KE-së Frans Timmermans “në se Bullgaria vazhdon përpjekjet e saj për zbatimin e 17 rekomandimeve (të lidhura me 6 treguesit e monitoruar – shën. auroti) të bëra bashkë me raportin e vitit të kaluar sipas Mekanizmit të Bashkëpunimit dhe Verifikimit, në vitin 2019 monitorimi mund të përfundojë.

Raporti u komentua me entuziazëm nga qeveritarët në Bullgari. Sipas mendimit të ministres së punëve të jashtme Ekaterina Zahrieva dokumenti është objektiv, kurse sipas Ministres së drejtësisë Cacka Caçeva ai pohon pakthyeshmërinë e reformave të kryera. Sipas eurodeputetit nga Partia Popullore Evropiane Svetosllacv Malinov “fakti më i rëndësishëm tani është se Bullgaria mbetet nën mbikëqyrje”, kurse deputeti evropian Angell Xhambazki është i mendimit se mekanizëm i tillë i kontrollit duhet të aplikohet edhe në shtetet të tjera evropiane, në këtë numër edhe në Gjermaninë”.  Duke pasur parasysh përfundimet e Komisionit se akoma mungojnë “rezultate bindëse në Bullgari për sa i përket korrupsionit në pushtet”, nga Partia Socialiste Bullgare insistojnë se rekomandimet për luftimin e korrupsionit nuk janë marrë parasysh dhe pavarësisht se pritet përfundimi i Mekanizmit për Bullgarinë, pyetjet dhe pritjet ndaj qeverisë mbeten.

Një ditë para shpalljes së Raportit të KE-së për Bullgarinë u bë e qartë se në Këshillin e BE-së po diskutohet mundësia për implementimin e mbikëqyrjes së epërsisë së ligjit në tërë BE-së. Brenda disa ditëve të ardhshme Parlamenti Evropian duhet të japë mendimin e tij për zbatimin e këtij mekanizmi mbarevropian të mbikëqyrjes së epërsisë së drejtësisë, të pranuar në vitin 2014, i cili deri tani është përdorur vetëm një herë. Pritet se Parlamenti Evropian do të bëjë thirrje për zëvendësimin e Mekanizmit për Bashkëpunim dhe Verifikim ndaj Bullgarisë dhe Rumanisë me këtë mbikëqyrje mbarevropiane. Dhe kjo duket e arsyeshme, po ta kemi parasysh se raportin e Presidencës austriake të Këshillit të Bashkimit Evropian për besimin në institucionet publike dhe parimet e shtetit të së drejtës. Sipas të dhënave të përfshira në këtë raport për vitin e kaluar besimi në qeveritë kanë pasur vetëm 37% e qytetarëve evropianë, në parlamentet – vetëm 36%, kurse besimi në Parlamentin Evropian është vetëm 42%. Në këtë sfond emocionet e tanishme për këtë a do të përfundojë monitorimi për Bullgarinë dhe në çfarë kushtesh, ndoshta janë të parëndësishme.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Edhe nëse liderët e forcës së parë politike Bojko Borisov dhe të DPS-së Deljan Peevski bien dakord për një kabinet të përbashkët, ata do të kenë nevojë për mbështetjen e një lojtari të tretë politik

Dilema - qeveri e rregullt apo zgjedhje në vjeshtë, mbetet edhe pas 9 qershorit

Fitorja në dukje vendimtare e GERB-SDS në zgjedhjet për parlamentin kombëtar nuk do të thotë se partia me çdo kusht do të arrijë të formojë një qeveri në të vetmen formë të mundshme të imponuar gjatë qeverisjes së fundit, pra të ashtuquajturin..

botuar më 24-06-11 6.55.PD

Bullgaria në zgjedhjet evropiane

Zgjedhjet për Parlamentin Evropian më 9 qershor 2024 kaluan pa lëkundje të veçanta për formacionet drejtuese politike. Partia Popullore Evropiane dhe socialistët mbeten në krye dhe ndoshta do të vazhdojnë të ndjekin politikat e tyre të përshkruara...

botuar më 24-06-10 2.11.MD

Prof. i asociuar Hristo Hristev: Parlamenti Evropian nuk është çështje numrash, por përgatitjeje dhe kuptimi se si funksionon BE-ja

Parlamenti Evropian është organi i vetëm në BE i zgjedhur drejtpërdrejt nga qytetarët. 6 138 050 votues bullgarë kanë të drejtë të emërojnë 17 përfaqësues politikë për ta përfaqësuar Bullgarinë në Parlamentin e ri Evropian për pesë vitet e..

botuar më 24-06-09 9.10.PD