Bullgari gjithmonë ka pasur një ndjenje të veçantë të së bukurës dhe megjithëse gjithmonë ka jetuar në mënyrë modeste, në jetën e vet të përditshme ka përdorur shumë sende të bukura, të prodhuara nga ai apo nga dora e ndonjë mjeshtri të përsosur. Gratë nga ana e tyre sjellin elegancë dhe kolorit në shtëpi me rrugicat, batanijet dhe qilimat e punuar nga to me ngjyra të shumta dhe elemente piktoreske.
Duke kuptuar domosdoshmërinë për ruajtjen e zanateve për brezat e ardhshme në vitin 1967 me dekret të Këshillit të Ministrave është krijuar Shoqata kombëtare e mjeshtërve të artizanateve, kurse një vit më vonë – në vitin 1968 zanatçinjtë e qytetit Ruse (Bullgari Veriore) gjithashtu bashkohen me qëllim prezantimin e artit të tyre në konkurse dhe ekspozita kombëtare dhe ndërkombëtare. Më vonë në të njëjtin qytet është krijuar shoqata jofitimprurëse me qëllim ruajtjen dhe prezantimin e traditave vendase, kulturës dhe trashëgimisë jomateriale të regjionit buzë lumit Danub. Kështu në vitin 2013 është themeluar “Shoqata danubiane e artizanateve popullore”. Në të marrin pjesë mjeshtër të veglave muzikore, piktorë të ikonave, , mjeshtër të qeramikës, thurjes, gdhendjes së drurit, dantellës së qytetit Kalofer.
“Shoqata disponon me një kompleks prej atelieve. Me shumë mundime e restauruam dhe e përdorim për zhvillimin e turizmit kulturor. Objekti tashmë është përfshirë në një nga itineraret turistike të Ministrisë së turizmit dhe rezultatet e punës sonë janë të shkëlqyera” – tregon një nga themeluesit e Shoqatës gdhendësi i sendeve prej druri Angell Mitrofanov.
Në vitin 2016 bashkia e qytetit Ruse ofron 55 mijë leva ndihmë financiare, e cila vjen pas 15 viteve të pritjes. Më këto mjete janë rinovuar atelietë e mjeshtërve Qendra “Siones” – organizata, e cila vepron në favor të shoqërisë, e ka rinovuar me mjetet e saj financiare shtëpinë e vjetër në oborrin e kompleksit, tavanet e së cilës të drunjta janë punuar para 2 shekujve nga mjeshtër të shquar nga qyteti Trjavna (Bullgari Veriore). Sot në të ka disa atelie të Shoqatës. Sipas zotit Mitrofanov e ardhmja e zanateve është që të gjejnë vendin e tyre në një muze të improvizuar në ambient të hapur sipas shembullit të kompleksit etnografik “Etara” afër qytetit Gabrovo (Bullgari Qendrore) , ku mjeshtërit do të tregojnë produktet e tyre para turistëve bullgarë dhe të huaj. “Në punishte nën qiell të hapur” vizituesit do të mësojnë më shumë për përpunimin artistik të lëkurës, hekurit dhe bakrit – artizanate, me të cilat qyteti është i shquar. Por për realizimin e kësaj ideje ka nevojë për mjete financiare dhe për njerëz:
“Ka interes nga ana e të rinjve, por pasi shikojnë se realizimi i punës së tyre është tepër i vështirë ata demotivohen – thotë Angell Mitrofanov. Pasi vdes mjeshtri me të vdes dhe zanati i tij, sepse pas nesh s’ka të rinj që janë gati të vazhdojnë.”
Por pavarësisht nga perspektiva jo e mirë e profesioneve të ytre mjeshtërit nuk pushojnë të prezantojnë Bullgarinë dhe të fitojnë çmime prestigjioze në festivale të ndryshme. Shembulli i fundit është nga kjo verë. Gjatë korrikut dhe gushtit ata morën pjesë në festivalin e XXXI të qëndisjeve tradicionale në qytetin turk Shile dhe në festivalin e XIX të kulturës në Byykçekmexhe (Büyükçekmece).
Në forumin e dytë morën pjesë 1350 artistë nga 64 shtete, 160 prej të cilëve – zanatçinj. Bullgari Veselin Fesçiev tërhoqi vëmendjen me tezgjahun e tij me rrugica të përsosura, kurse Borjana Moçeva dhe Krasimir Sivov prezantuan gravurat e tyre mbi lëkurë.
Përgatiti në shqip: Jordanka Ivanova
Foto: dunavskazadruga.weebly.com
Cili është niveli i decibelit të një motori avioni ose të një pëshpëritjejе, një bisede normale, të lëvizjes së një makine me shpejtësi 60 km/h, të një koncerti rok dhe cilat janë vlerat e rrezikshme për shëndetin e njerëzve dhe të kafshëve?..
Bullgaria mbetet e përkushtuar ndaj misionit të përbashkët të zhvillimit të potencialit të shkencës në mbështetje të paqes në një botë të konkurrencës së ashpër dhe për zhvillimin pozitiv të shoqërive tona. Kështu deklaroi kreu i shtetit Rumen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë në prodhim. Pas protestave masive bujqësore në të gjithë BE-në që nga fillimi i vitit, fermerët po..
Mbrojtja e kafshëve dhe fëmijëve të pafavorizuar, si dhe promovimi i nismave të ndryshme kulturore, janë thelbësore për përmirësimin e mjedisit jetësor në..
Radosllava Nedyalkova nga Milano u zgjodh "Bullgarja e Vitit 2023" në mesin e 24 bashkatdhetarëve të nominuar nga 19 vende. Dallimi me emrin e..
Sofja është mikpritëse e ekspozitës më të madhe të automobilave në Evropë këtë vit, tha për BTA Aleksandër Kostadinov, kryetar i Bordit Drejtues të..