Bullgarët, rumunët, moldavianët dhe maqedonasit do të përshëndesin ardhjen e pranverës me “Pranverë ballkanike në të kuqe e të bardhë “. Festa do të zhvillohet në Milano më 24 shkurt dhe i kushtohet 1 marsit – dita, kur u vëmë njerëzve tanë të dashur nga një amulet për shëndet, të punuar prej fijeve të bardha dhe të kuqe. Në Bullgari ky amulet quhet “martenica” (verore) dhe jepet në festën e quajtur “Gjyshja Marta”, në Rumani dhe Moldavi është “marcishor” (Mărțișor), kurse në Maqedoninë e Veriut “martinka”. Gjatë vitit 2017 verorja ishte shtuar në Listën përfaqësive të elementeve të trashëgimisë kulturore jo materiale të njerëzimit pasi ishte nominuar prej katër shteteve – një fakt, i cili provokoi bashkësitë ballkanike në Milano të organizojnë një festë të përbashkët.
“Në praktikë, në fillim këto ishin punishte për verore pranë Shkollës Bullgare në Milano. Pas propozimit për shpalljen e verores për trashëgimi jo materiale kulturore të UNESKO-s, në bazë të idesë së avokates Marija Gançeva – zëvendës kryetarja e qendrës sonë, vendosëm të zgjerojmë këta laboratorë dhe drejt kombeve të tjera, të cilat e kanë të njëjtën traditë”, tha Gergana Hristova – kryetare e Qendrës kulturore dhe të gjuhëve të huaja “Këtu Bullgaria” dhe Shkollës Bullgare të ditës së diel në Milano.
Për vit të tretë të radhës festa ballkanike organizohet në bashkëpunim me Qendrën Kulturore Italiano-Rumune në Milano, asociacionin moldavian “Vatra Neamului” dhe Asociacionin kulturor maqedonas “Ura prej guri”. Ngjarja do të kalojë nën patronazhin e Bashkisë së qytetit Milano dhe të Konsullatave të Përgjithshme të Bullgarisë, Rumanisë dhe Moldavisë në qytetin italian. Një juri do të zgjedhë veroret më të bukura, të punuara prej fëmijëve me ndihmën e ekspertëve nga katër asociacionet kulturore dhe prej prindërve nga shkolla bullgare. Festa do të përfundojë me një klasë të valleve popullore bullgare, nën drejtimin e grupit folklorik “Veselie”.
“Pranvera ballkanike në të kuqe e të bardhë” është e menduar si një ditë e përmbushur me ngjarje të shumta – “një mësim i vlefshëm për fëmijët tanë për solidaritet dhe këmbim të vlerave të përbashkëta kulturore dhe të traditave të bashkësive ballkanike në Milano. Kjo është mënyra, në bazë të së cilës kjo trashëgimi mund të vazhdojë të transmetohet nga brezi në brez, duke lidhur rrënjët e thella me ndjenjën kozmopolite për bashkësi”, thonë organizatorët.
Përgatiti në shqip: Nataniela Vasileva
Foto: FB Centro linguistico e culturale Qui Bulgaria
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga Unioni Republikan Bullgar i Kinologjisë, së bashku me Bashkinë. Forumi ndërkombëtar përfshin..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”. Dashamirët e kësaj marke po mblidhen më 6 korrik (e shtunë) në zonën "Kostina", ku do të parakalojnë..
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe pse kjo është e dobishme për ta. Në shkolla nuk ka përkthim për fëmijët me probleme në të..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..