Më 27 mars Parku Kombëtar “Ballkan Qendror” mori certifikatën e objektit të trashëgimisë natyrore të UNESKO-së. Kështu pyjet e ahut në park bëhen pjesë e një objekti evropian të trashëgimisë botërore “Pyjet e vjetra dhe primare të ahut në Karpatet dhe në rajone të tjera në Evropë”.
Bullgaria u përfshi në të me pyjet më të mira të ahut (afro 11 mijë hektarë) të shtrira në nëntë rezervatet që janë në territorin e Parkut “Ballkan Qendror” – “Boatin”, “Cariçina”, “Kozja Stena”, “Steneto”, “Sokollna”, “Peeshti Skali”, “Stara Reka”, “Xhendema”, “Severen Xhendem”.
Dallimi iu dorëzua drejtorit të parkut “Ballkan Qendror” Genço Iliev në një ceremoni zyrtare në Ministrinë e Ambientit Rrethues dhe të Ujërave nga zëvendës ministri Krasimir Zhivkov. 30 000 hektarë gjithsej janë pyjet e ahut në park të cilat mbrohen që nga krijimi në vitin 1991. Përpjekjet tani janë të përqendruara mbi popullarizimin e pyjeve shekullore të ahut nëpërmjet tërheqjes së më shumë turistëve. Objekti “Pyjet e vjetra dhe primare të ahut në Karpatet dhe në rajone të tjera në Evropë” përfshin 78 komponentë të shtrirë në territorin e 12 shteteve evropiane – Austri, Shqipëria Belgjikë, Bullgari, Rumani, Slloveni, Spanja, Itali, Kroaci, Gjermani, Ukrainë dhe Sllovaki.
Me përfshirjen e pyjeve të ahut në Ballkanin Qendror objektet natyrore bullgare në listën e trashëgimisë botërore të UNESKO-së u bënë tri. Që nga viti 1983 dy nga territoret emblematike natyrore bullgare – Parku Kombëtar “Pirin” dhe Rezervati Natyror “Srebërna” – janë pjesë e kësaj liste.
Muzeu i Aviacionit në Burgas ia kushton muajin shtator një prej ekspozitave të tij të veçanta - helikopterit Mi-2, fluturimi i parë i të cilit ishte më 22 shtator 1961. Të apasionuarit pas aviacionit, banorët dhe turistët e qytetit tonë bregdetar..
Anëtarja e re e Këshillit të Mediave Elektronike, Këdrinka Këdrinova, nga kuota e presidentit, u prezantua zyrtarisht në mbledhjen e Rregullatorit të Mediave më 12 shtator, njoftoi reporterja e BNR, Maria Kostova. Me dekret të kreut të shtetit..
Radioja Kombëtare Bullgare (BNR) dhe Akademia Bullgare e Shkencave nënshkruan një Memorandum mbi bazën e të cilit do të bashkëpunojnë dhe do të ndërmarrin iniciativa të përbashkëta për të promovuar veprimtarinë shkencore dhe kërkimore të..
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e..