Në një konferencë me moto “Biznesi dhe regjionet” zëvendëskryeministri Tomisllav Donçev tha se subvencionet shtetërore për rajonet e pazhvilluara nuk mund t’i zgjidhin të gjitha problemet e këtyre rajoneve në mënyrë çudibërëse. Ka nevojë për investime, të cilat do të ndryshojnë tendencat negative. Ai shpjegoi se problemi i madh në Bullgari është zhvillimi i rrjetit të transportit, kryesisht duke folur për Bullgarinë Veriore. Sipas Donçevit gjatë 5 vjetëve të ardhshme në politikën regjionale shtetërore parashikohen investime për 6-8 zona të reja industriale, për të cilat do të ndërtohet tërë infrastruktura e domosdoshme dhe do të lehtësohen procedurat paraprake për biznesin. Zëvendëskryeministri bëri thirrje që biznesi të fillojë të përdorë aparaturën e blerë për miliona euro për 14 qendrat e inovacioneve në shtet.