Një nga operatorët mobil në Bullgari lancoi stacionin e parë bazë tek ne. Ai do të testohet deri në fund të këtij viti në bandë frekuencash nga 3440 deri më3540 MHz. Presim se gjatë vitit 2020 do të fillojmë t’u ofrojmë shërbime 5G klientëve tanë, premtojnë nga operatori. Rrjeti i ri siguron qasje më të shpejtë brezgjerë në internet, komunikim të sigurt me vonesë fare të vogël dhe komunikim të shpejtë mes pajisjeve të ndryshme. “Komisioni Rregullator i Komunikimeve përshëndet të gjitha përpjekjet me qëllim që konsumatorët në Bullgari të kenë akses sa më të mirë në teknologjitë e reja dhe inkurajon investimet dhe konkurrueshmërinë” – tha kryetari i Komisionit Ivan Dimitrov. Bullgaria është shteti i 50-të në botë, i cili teston rrjetin 5G.