Shpimi i parë për naftë dhe gaz rreth qytetit Silistra në bregdetin bullgar të Detit të Zi është i pasuksesshëm. Në fund të muajit mars kompania “Shel Interneshënël Eksplorejshën end Divelëpmënt Italia S.P.A.” në të cilën një pjesë prej 50% ka “Shell”, 30% janë të kompanisë australiane “Udsajd Enerxhi”, kurse kapitali tjetër është i firmës spanjolle “Repsol”, zhvilloi një shpim tremujor në bllokun “Han Kubrat”. Bashkimi po studion edhe një pjesë tjetër, por në bregdetin verior të Detit të Zi. Rreth qytetit Silistra janë zbuluar depozita të hidrokarbureve, por ato nuk janë të përshtatshme për një fitim komercial, thuhet në raportin e “Udsajd”. Sondazhi është i vulosur dhe po ndërmerren studime për sondazhe të reja të ardhshme në bllok.