Për të katërtën ditë me radhë mbi 1500 turistë, kryesisht bullgarë dhe rumunë, janë bllokuar në ishullin grek Samothrake për shkak të dëmtimit të dy trageteve, të cilat lundrojnë në vijën nga Kamariotisasi deri në Aleksandrupolis. Vlladimir Pisançev, konsulli i përgjitshëm i Bullgarisë në Selanik, njoftoi se rreth orës 22.00 të së mërkurës pritet që të mbërrijë në ishull trageti “Andros Xhet”, i cili ka kapacitet për 600 njerëz dhe 75 automjete. Ai do të vazhdojë të lundrojë në këtë linjë edhe të enjten, derisa të evakuohen të gjithë turistët. Turistët bullgarë, të bllokuar në Samothrake, mund të marrin ushqim falas një herë në ditë në disa lokale afër portit, si dhe fjetje falas, bëri të ditur Ministria Bullgare e Punëve të Jashtme. Ato janë siguruar nga autoritetet vendase.