Forca politike drejtuese mbetet GERB me pozita relativisht stabile (22%). Tradicionalisht pas saj është Partia Socialiste Bullgare me 16,9%. Për momentin nuk vihet re një dinamikë në “gërshërën” e përkrahjes midis të dyja forcave politike të regjistruara gjatë zgjedhjeve të fundit për Parlamentin Evropian. Në vend të tretë është Lëvizja për të Drejtat e Liritë me 5,6%. Këtë e tregon studimi sociologjik Barometër-Bullgaria për qëndrimet elektorale dhe jetësore të bullgarëve. Në stinën e pushimeve dhe të lejeve bullgarët kanë një vlerësim të shprehur qartë për situatën e vet personale financiare, ku përqindjet midis të kënaqurit dhe të pakënaqurit janë pothuajse të barazuara. Për 42,1% nga të anketuarit mjetet financiare me të cilat disponojnë, janë të kënaqshme.