Në një bisedë telefonike me Kryeministrin bullgar Bojko Borisov Sekretari Shtetëror i SHBA-së Mike Pompeo i ka përshëndetur përpjekjet e Bullgarisë për modernizimin e ushtrisë dhe për plotësimin e angazhimit ndaj NATO-së që të investojë në sferën e mbrojtjes 2% prej Produktit të saj të Brendshëm Bruto.

Borisovi ka informur për përpjekjet e kabinetit të tij për realizimin e projekteve për ndërtimin e interkonektorit të gazit me Greqinë dhe për centralin e dytë bërthamor në qytetin Belene.

Janë diskutuar rezultatet e mira të bashkëpunimit bilateral sa i përket sigurisë, kundërvënies së kontrabandës dhe trafikut të qenieve njerëzore. Janë shkëmbyer mendime për situatën në Ballkan dhe në pjesë të tjera të botës. Borisovi ka shprehur shqetësime lidhur me situatën në Siri.