Ditën e diel zjarrfikësit përsëri kanë shuar një zjarr të shpërthyer në Stara Pllanina nën majën Vrazha Glava. Zjarri është lokalizuar, por që të mos shpërthejë përsëri rajoni mbikëqyret. Supozohet se zjarri ka shpërthyer nga një prush i pashuar nga zjarri i mëparshëm. Nga 27 deri në 30 tetor më shumë se 150 zjarrfikës, ushtarakë, vullnetarë dhe pylltarë shuanin një zjarr të tillë ditën dhe natën mbi Çiprovci dhe Martinovo. Zjarri preku 52 kilometra katrorë në pjesën bullgare dhe në atë serbe të malit Stara Pllanina. Shuarja 1800 metra mbi nivelin e detit u vështirësua për shkak të terrenit të rëndë afër kreshtës së malit.