Ekspozita “Toka përmes shikimit të kozmonautit të parë bullgar Georgi Ivanov” u hap më 6 nëntor në godinën e Akademisë Kombëtare të Shkencave në Sofje. Ajo përfshin fotografi të pa paraqitura deri tashti të realizuara nga anija e kozmonautit të parë bullgar “Sojuz 33” në kohën e fluturimit të tij më 10 prill të vitit 1979. Ekspozita u rregullua nga Instituti i Studimeve dhe i Teknologjive Kozmike i cili shënon jubileun 50 vjeçar. Veprimtaria është nën kujdestarinë e presidentit të Republikës së Bullgarisë Rumen Radev. Instituti është pasardhës i Grupit Shkencor të Fizikës së Kozmosit krijuar më 1 nëntor të vitit 1969. Edhe më sot misioni i tij kryesor është lidhur me studime fondamentale dhe aplikuese në fizikën e Kozmosit, studimet e Tokës dhe të planetëve nga distanca dhe teknologjitë ajrokozmike.