Bullgaria po e vonon qëllimisht zgjatjen e “Rrymës Turke” në territor të vet, tha presidenti rus Vladimir Putin. Rusia  do të gjejë mundësi të tjera për realizimin e “Rrymës Turke”, në qoftë se Bullgaria nuk do, paralajmëroi Putini. Ministria bullgare e Energjetikës refuzoi të komentojë deklaratën. Sipas ekspertëve Putini është i informuar keq, sepse vonimi i gazsjellësit përmes territorit bullgar është për shkak të ankesës së një firme ruse, e cila kundërshtoi tenderin e ndërtimit. Pavarësisht nga kjo Bullgaria i respekton afatet e marrëveshjes dhe çdo ditë ndërtohen nga 4 deri më 5 kilometra nga tubacioni. Pritet që deri më 4 muaj të përfundojë e gjithë traseja deri në kufirin bullgaro-serb, që është rreth 400 kilometra.