Për vizitë zyrtare në Bullgarimidis10 dhe 13 dhjetorit është Magjistri i Madh i Urdhrit Sovran Ushtarak i Maltës Giacomo dalla Torre del Tempio di Sanguinetto. Në programin e tij janë të parashikuar takime me Presidentin dhe përfaqësues të tjerë të pushtetit, me të cilët të shqyrtoi marrëdhëniet ndërmjet vendit tonë dhe Urdhrit të Maltës si një organizatë humanitare. Bashkëpunimi me Urdhrin Sovran Ushtarak të Maltës nuk është gjë e jashtëzakonshme, me qenë se Bullgaria ka marrëdhënie diplomatike me shtetin e vogël tanimë 25 vjet.
Që nga viti 2007 deri në vdekjen e tij të papritur në fillim të këtij viti, ambasador i Urdhrit në vendin tonë qe Shkëlqesia e tij doktorCamillo Zuccoli. Në kuadrin e mandatit të tij, urdhri i Maltës realizoi mbi 460 misione vullnetare tek ne. Një fakt kureshtar nga jeta e tij është seakoma para se të pranojë misionin diplomatik në vendin tonë , ai i bëri një mirësi shumë të madhe Bullgarisë, duke i bindur deputetët italianë të ratifikojnë marrëveshjen për aderimin e Bullgarisë në Bashkimin Evropian. Kjo u bë më 22 dhjetor 2005, kur ai ishte sekretari i shefit të komisionit parlamentar mbi politikën e jashtme Gustavo Selva. Që nga muaji qershor sivjet, vendin e tij si ambasador në Bullgari e zë bashkëshortja e tij Ursula HofterZuccoli.
Anëtarët e regjistruar të urdhrit janë 13 000, kurse vullnetarët janë mbi 80 000 në të gjithë botën. Për kauzat e bamirësisë të cilave u përkushtohen ato tek ne, tregon një prej tyre – Kristian Libih:
Veprimtaria jonë është lidhur me organizimin e pushimeve kreative për fëmijët pa prindër. Me ta vizitojmë kureshtje të ndryshme në Bullgari, për të cilat ata pas kësaj shkruajnë ese ose i pikturojnë. Përveç kësaj tre herë në javë shpërndajmë ushqim të ngrohtë në manastirin katolik. Morëm pjesë aktive në përgatitjet e vizitës dhe në vetë pritjen e Shenjtërisë së Tij Papa Françesku në Bullgari. Vullnetarët tanë u ndihmonin njerëzve me vështirësi në lëvizje të afrohen më afër papës, shpërndanim ushqim dhe ujë. Vizita ishte një ngjarje e shkëlqyer për të gjithë bullgarët, pavarësisht nga feja e tyre. Ne bëjmë një sërë dhurimesh të aparaturës mjekësore për ambulancat dhe për spitalet në të gjithë Bullgarinë, ku me prioritet për ne janë vendbanimet e vogla.
Gjatë vitit të ardhshëm, vullnetarët shpresojnë që të mund të realizojnë ëndrrën e vet – të organizojnë punën e një kuzhine sociale, në të cilën të ushqejnë njerëzit në nevojë, më në veçanti gjatë muajve të dimrit.
Shpresojmë që ajo të jetë në manastirin katolik ose në ndonjë vend tjetër, ku mund të na sigurojnë vend të përshtatshëm. Do të ishte shkëlqyeshëm që në një etapë të mëvonshme të punonim dhe për vend të mirë për strehimin e njerëzve pa shtëpi, por në vend të parë le ta bëjmë kuzhinën – shton Libih.
I krijuar si një Urdhër i kalorësve-spitalorë nga Zherar Tom, i cili bëhet dhe mjeshtri i tij i parë i Madh, ai ka misionin e tij, i cili mbetet i pandryshuar deri më sot – “Mbrojtja e Besimit dhe ndihma për të varfrit dhe për ata të cilët vuajnë.” Pak pas krijimit të vet, Urdhri vendoset në ishullin Rodos dhe në ishullin Malta, por më vonë qendra e tij është zhvendosur në Romë, ku ndodhet dhe sot. Një veçori karakteristike e Urdhrit të Maltës është dhe statusi i tij juridik, i cili e rendit atë ndër shtetet sovrane, ashtu dhe mes organizatave me qëllim humanitar dhe bamirës.
Përgatiti në shqip: Nataniela Vasileva
Shkaba egjiptiane, ose Kali i Qyqes,/ Neophron percnopterus/ po kthehet pasi ishte në prag të zhdukjes, njofton Shoqata Bullgare për Mbrojtjen e Zogjve. Ata kanë konstatuar një numër rekord prej 35 territoresh ku bën fole shkaba egjiptiane,..
Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit “Angell Kënçev” në qytetin bullgar Ruse, njoftoi qendra për shtyp e Këshillit të Ministrave. Nëpërmjet..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të Inteligjencës Artificiale, të krijuar nga bullgarët. Në garë kanë konfirmuar pjesëmarrjen 44 ekipe, dy prej..
Në fund të tetorit, për herë të dytë këtë vit, na presin zgjedhjet për deputetë , këtë herë për Asamblenë e 51-të Kombëtare. Politikanët në..
Shenjtëria e tij, Patriarku bullgar dhe Mitropoliti i Sofjes Daniil, kryesoi Liturgjinë e Shenjtë festive, së bashku me peshkopin Pahomi të Branicës,..